ਫਰੈਡਰਿਕ ਮਰਜ਼ ਚੁਣੇ ਗਏ ਦੇਸ਼ ਦੇ ਨਵੇਂ ਚਾਂਸਲਰ

ਜਰਮਨੀ ਵਿਚ ਕ੍ਰਿਸ਼ਚੀਅਨ ਡੈਮੋਕ੍ਰੇਟਿਕ ਯੂਨੀਅਨ ਦੇ ਲੀਡਰ ਫਰੈਡਰਿਕ ਮਰਜ਼ ਸੰਸਦ ਵਿਚ ਦੂਜੇ ਰਾਊਂਡ ਦੀ ਵੋਟਿੰਗ ਵਿਚ ਦੇਸ਼ ਦੇ ਨਵੇਂ ਚਾਂਸਲਰ ਚੁਣੇ ਗਏ ਹਨ। ਪਹਿਲੇ ਰਾਊਂਡ ਦੀ ਵੋਟਿੰਗ ਵਿਚ ਉਹ ਜਿੱਤ ਲਈ ਜ਼ਰੂਰੀ 316 ਵੋਟਾਂ ਤੋਂ 6 ਵੋਟਾਂ ਨਾਲ ਖੁੰਝ ਗਏ ਸਨ।

ਜਰਮਨੀ ਦੇ ਇਤਿਹਾਸ ਵਿਚ ਇਹ ਪਹਿਲੀ ਵਾਰ ਸੀ ਜਦੋਂ ਚਾਂਸਲਰ ਦੇ ਅਹੁਦੇ ਲਈ ਕੋਈ ਉਮੀਦਵਾਰ ਪਹਿਲੇ ਦੌਰ ਵਿਚ ਬਹੁਮਤ ਹਾਸਲ ਕਰਨ ਵਿਚ ਅਸਫਲ ਰਿਹਾ ਸੀ। ਸੰਸਦ ਵਿਚ ਦੂਜੇ ਰਾਊਂਡ ਦੀ ਵੋਟਿੰਗ ਵਿਚ ਕੁੱਲ 325 ਸਾਂਸਦਾਂ ਨੇ ਮਰਜ਼ ਦੇ ਹੱਕ ਵਿਚ ਵੋਟ ਦਿੱਤੀ, ਜਿਸ ਨਾਲ ਉਹ ਜ਼ਰੂਰੀ 316 ਦੀ ਹੱਦ ਪਾਰ ਕਰਨ ਵਿਚ ਸਫਲ ਹੋ ਗਏ।

69 ਸਾਲਾ ਫਰੈਡਰਿਕ ਮਰਜ਼ ਦੇ ਨਵੇਂ ਚਾਂਸਲਰ ਚੁਣੇ ਜਾਣ ਨਾਲ ਜਰਮਨੀ ਵਿਚ ਦੁਬਾਰਾ ਚੋਣਾਂ ਦਾ ਖ਼ਤਰਾ ਟਲ ਗਿਆ ਹੈ।