10.85C Vancouver 10.85C VancouverMay 14, 2021 12:48 AM -
ਪੂਰੀ ਤਰ੍ਹਾਂ ਵੈਕਸੀਨੇਟ ਹੋ ਚੁੱਕੇ ਅਮਰੀਕਾ ਨਿਵਾਸੀ ਹੁਣ ਇਨਡੋਰ ਥਾਂਵਾਂ ਵਿੱਚ ਵੀ, ਮਾਸਕ ਪਹਿਨੇ ਬਿਨਾਂ ਅਤੇ ਸੋਸ਼ਲ ਡਿਸਟੈਨਸਿੰਗ ਦੀ ਪਾਲਣਾ ਕੀਤੇ ਬਿਨਾਂ ਆਪਸ ਵਿੱਚ ਮਿਲ ਸਕਣਗੇ।
ਇਹ ਐਲਾਨ ਅੱਜ ਯੂਐੱਸਏ ਦੇ ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰੀਵੈਨਸ਼ਨ ਦੇ ਡਾਇਰੈਕਟਰ ਵੱਲੋਂ ਦੋ ਅਮਰੀਕੀ ਅਤੇ ਇਕ ਇਜ਼ਰਾਈਲੀ ਸਟੱਡੀ ਦਾ ਹਵਾਲਾ ਦਿੰਦੇ ਹੋਏ ਕੀਤਾ ਗਿਆ।
ਡਾ. ਰੋਸ਼ੇਲ ਵੈਲੈਂਸਕੀ ਨੇ ਕਿਹਾ ਕਿ ਜਿਨ੍ਹਾਂ ਵਿਅਕਤੀਆਂ ਦਾ ਇਮਿਊਨ ਸਿਸਟਮ ਕਮਜ਼ੋਰ ਹੈ, ਉਹ ਮਾਸਕ ਉਤਾਰਨ ਤੋਂ ਪਹਿਲਾਂ ਆਪਣੇ ਡਾਕਟਰ ਨਾਲ ਸਲਾਹ ਜ਼ਰੂਰ ਕਰਨ।
ਨਾਲ ਹੀ ਉਨ੍ਹਾਂ ਦੱਸਿਆ ਕਿ ਬੱਸਾਂ, ਟ੍ਰੇਨਾਂ, ਹਵਾਈ ਜਹਾਜ਼ਾਂ ਅਤੇ ਪਬਲਿਕ ਟਰਾਂਸਪੋਰਟੇਸ਼ਨ ਵਿਚ ਮਾਸਕ ਪਹਿਨਣ ਦੀ ਹਦਾਇਤ ਅਜੇ ਵੀ ਲਾਗੂ ਰਹੇਗੀ।
ਰਾਸ਼ਟਰਪਤੀ ਜੋਅ ਬਾਇਡੇਨ ਨੇ ਅੱਜ ਦੇ ਦਿਨ ਨੂੰ ਇਕ ਮਹਾਨ ਦਿਨ ਦੱਸਦੇ ਹੋਏ ਕਿਹਾ ਕਿ ਹੁਣ ਅਮਰੀਕਾ ਨਿਵਾਸੀ ਦੁਬਾਰਾ ਮੁਸਕਰਾ ਸਕਣਗੇ।
