11.9C Vancouver 11.9C VancouverNov 16, 2022 11:03 PM - Connect News
ਬੀ.ਸੀ. ਗਰੀਨ ਪਾਰਟੀ ਲੀਡਰ ਸੋਨੀਆ ਫਰਸਟੇਨੂੰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਡਾ. ਲੀਜ਼ਾ ਗੰਡਰਸਨ ਨੂੰ ਪਾਰਟੀ ਦੀ ਡਿਪਟੀ ਲੀਡਰ ਅਪਾਇੰਟ ਕੀਤਾ ਗਿਆ ਹੈ।
ਪਾਰਟੀ ਵੱਲੋਂ ਜਾਰੀ ਬਿਆਨ 'ਚ ਦੱਸਿਆ ਗਿਆ ਕਿ ਗੰਡਰਸਨ ਇੱਕ ਐਵਾਰਡ ਜੇਤੂ ਐਜੂਕੇਟਰ ਅਤੇ ਇਕਵਿਟੀ ਕੰਸਲਟੈਂਟ ਹਨ ਅਤੇ ਅਜਿਹੇ ਮਸਲਿਆਂ 'ਤੇ ਧਿਆਨ ਕੇਂਦਰਿਤ ਕਰਦੀ ਹਨ ਜੋ ਮਾਈਨੌਰੀਟਾਈਜਡ ਆਬਾਦੀ 'ਤੇ ਪ੍ਰਭਾਵ ਪਾਉਂਦੇ ਹਨ।
ਪਾਰਟੀ ਦਾ ਕਹਿਣਾ ਹੈ ਕਿ ਗੰਡਰਸਨ ਨੇ ਯੂਨੀਵਰਸਿਟੀ ਆਫ ਸਦਰਨ ਕੈਲੀਫੋਰਨੀਆ ਤੋਂ ਕਲੀਨਿਕਲ ਚਾਈਲਡ ਸਾਈਕੌਲੋਜੀ 'ਚ ਪੀ.ਐਚ.ਡੀ. ਕੀਤੀ ਜਿਸ 'ਚ ਫੋਕਸ ਰੇਸ਼ੀਅਲਾਈਜਡ ਯੂਥ ਸੀ।
ਬੀ.ਸੀ. ਗਰੀਨ ਪਾਰਟੀ ਦੀ ਲੀਡਰ ਸੋਨੀਆ ਫਰਸਟੇਨੂੰ ਨੇ ਇਸ ਐਲਾਨ ਮੌਕੇ ਖੁਸ਼ੀ ਜਾਹਿਰ ਕੀਤੀ।
ਉਨ੍ਹਾਂ ਕਿਹਾ ਕਿ ਬੀਤੇ ਕੁਝ ਸਾਲਾਂ 'ਚ ਉਨ੍ਹਾਂ ਗੰਡਰਸਨ ਨਾਲ ਮਿਲ ਕੇ ਇਕਵਿਟੀ ਅਤੇ ਮਾਨਸਿਕ ਸਿਹਤ ਜਿਹੇ ਮਾਮਲਿਆਂ 'ਚ ਕੰਮ ਕੀਤਾ ਹੈ ਅਤੇ ਹੁਣ ਇਸ ਨਵੀਂ ਜਿੰਮੇਵਾਰੀ ਨੂੰ ਸੰਭਾਲਣ ਤੋਂ ਬਾਅਦ ਵੀ ਉਨ੍ਹਾਂ ਨਾਲ ਕੰਮ ਜਾਰੀ ਰਵੇਗਾ।
ਉੱਧਰ ਗੰਡਰਸਨ ਨੇ ਕਿਹਾ ਕਿ ਇਹ ਜਿੰਮੇਵਾਰੀ ਸੰਭਾਲਣਾ ਉਨ੍ਹਾਂ ਲਈ ਮਾਣ ਦੀ ਗੱਲ ਹੈ।
