24.1C Vancouver 24.1C VancouverSep 21, 2021 10:25 PM -
ਅਮਰੀਕਾ 'ਚ ਐਫ.ਬੀ.ਆਈ. ਦਾ ਕਹਿਣਾ ਹੈ ਕਿ ਕਾਉਂਟੀ ਕੋਰੋਨਰ ਨੇ ਪੁਸ਼ਟੀ ਕੀਤੀ ਹੈ ਕਿ ਉੱਤਰੀ ਵਿਓਮਿੰਗ ਕੋਲ ਮਿਲੇ ਮਨੁੱਖੀ ਅਵਸ਼ੇਸ਼ 22 ਸਾਲਾ ਗੈਬੀ ਪੈਟੀਟੋ ਦੇ ਹੀ ਹਨ।
ਇਹ ਅਵਸ਼ੇਸ਼ ਗਰੈਂਡ ਟੈਟਨ ਨੈਸ਼ਨਲ ਪਾਰਕ ਕੋਲ ਇਸ ਵੀਕਐਂਡ ਦੌਰਾਨ ਮਿਲੇ ਸਨ।
ਗੈਬੀ ਪੈਟੀਟੋ ਆਪਣੇ ਬੁਆਏਫਰੈਂਡ ਨਾਲ ਕਰੌਸ ਕੰਟਰੀ ਰੋਡ ਟ੍ਰਿਪ 'ਤੇ ਨਿਕਲੀ ਸੀ।
ਅਧਿਕਾਰੀਆਂ ਨੇ ਅੱਜ ਜਾਣਕਾਰੀ ਦਿੱਤੀ ਕਿ ਕੋਰੋਨਰ ਅਨੁਸਾਰ ਔਰਤ ਦੀ ਮੌਤ ਦੇ ਮਾਮਲੇ ਨੂੰ ਕਤਲ ਦੀ ਘਟਨਾ ਮੰਨਿਆ ਜਾ ਰਿਹਾ ਹੈ।
ਹਾਲਾਂਕਿ ਮੌਤ ਦੇ ਕਾਰਨ ਸੰਬੰਧੀ ਔਟੋਪਸੀ ਦੇ ਫਾਈਨਲ ਨਤੀਜੇ ਦੀ ਉਡੀਕ ਕਰਨ ਨੂੰ ਕਿਹਾ ਗਿਆ ਹੈ।
ਫਲੋਰੀਡਾ ਦੇ ਨੌਰਥ ਪੋਰਟ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਜਾਂਚ ਅਧਿਕਾਰੀ ਪੀੜਤ ਲੜਕੀ ਦੇ ਬੁਆਏਫਰੈਂਡ 23 ਸਾਲਾ ਬ੍ਰਾਇਨ ਲੌਂਡਰੀ ਦੀ ਭਾਲ ਕਰ ਰਹੇ ਹਨ।
