13.46C Vancouver 13.46C VancouverJun 12, 2020 9:16 PM -
ਕੈਮਲੂਪਸ ਦੇ ਵਿੱਚ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਗੈਂਗ ਨਾਲ ਜੁੜੇ ਹਥਿਆਰਾਂ ਨੂੰ ਜ਼ਬਤ ਕੀਤੇ ਜਾਣ ਤੋਂ ਬਾਅਦ, ਇੱਕ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
ਸ਼ਹਿਰ ਦੇ ਇੱਕ ਵੇਅਰਹਾਊਸ 'ਚ ਇੱਕ ਸਟੋਰੇਜ ਲੌਕਰ 'ਚ ਹਥਿਆਰਾਂ ਦੀ ਬਰਾਮਦਗੀ ਹੋਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ 3 ਸੈਮੀ-ਔਟੋਮੈਟਿਕ ਬੰਦੂਕਾਂ, ਇੱਕ ਸ਼ਾਟਗਨ, ਇੱਕ ਬੋਲਟ-ਐਕਸ਼ਨ ਰਾਈਫਲ ਅਤੇ ਕਈ ਹੋਰ ਹਥਿਆਰ ਬਰਾਮਦ ਕੀਤੇ ਗਏ ਹਨ।
ਜਦ ਇਹ ਬਰਾਮਦਗੀ ਚੱਲ ਰਹੀ ਸੀ ਤਾਂ ਉਸੇ ਦੌਰਾਨ ਇੱਕ 43 ਸਾਲਾ ਵਿਅਕਤੀ ਅਤੇ ਇੱਕ 23 ਸਾਲਾ ਔਰਤ ਮੌਕੇ 'ਤੇ ਪਹੁੰਚੇ।
ਦੋਨਾਂ ਦੀ ਤਲਾਸ਼ੀ ਲਈ ਗਈ ਅਤੇ ਇਨ੍ਹਾਂ ਤੋਂ ਹਥਿਆਰ ਅਤੇ ਡਰੱਗਜ਼ ਬਰਾਮਦ ਹੋਏ, ਜਿਸ ਦੇ ਵਿੱਚ ਕੋਕੇਨ, ਫੈਂਟਾਨਿਲ ਅਤੇ ਕਰੈਕ ਸ਼ਾਮਿਲ ਸਨ।
ਵਿਅਕਤੀ 'ਤੇ ਡਰੱਗਜ਼ ਅਤੇ ਹਥਿਆਰਾਂ ਸੰਬੰਧੀ ਦੋਸ਼ ਲੱਗੇ ਹਨ, ਜਦਕਿ ਔਰਤ ਖਿਲਾਫ਼ ਦੋਸ਼ ਤੈਅ ਕਰਨ ਲਈ ਸਿਫਾਰਿਸ਼ ਕੀਤੀ ਗਈ ਹੈ, ਪਰ ਅਜੇ ਇਸ ਨੂੰ ਮਨਜ਼ੂਰੀ ਨਹੀਂ ਮਿਲੀ ਹੈ।
