10.28C Vancouver 10.28C VancouverNov 10, 2023 6:48 PM - The Canadian Press
ਕੈਨੇਡੀਅਨਜ਼ ਦਾ ਗਾਜ਼ਾ ਵਿੱਚੋਂ ਨਿਕਲਣਾ ਜਾਰੀ ਹੈ। ਸ਼ੁੱਕਰਵਾਰ ਲਈ ਵਿਦੇਸ਼ੀ ਪਾਸਪੋਰਟ ਧਾਰਕਾਂ ਦੀ ਮਨਜ਼ੂਰ ਕੀਤੀ ਗਈ ਲਿਸਟ ਵਿੱਚ ਲਗਭਗ 266 ਕੈਨੇਡੀਅਨ ਨਾਗਰਿਕ, ਪਰਮਾਨੈਂਟ ਰੈਜ਼ੀਡੈਂਸ ਅਤੇ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰ ਸ਼ਾਮਲ ਸਨ।
ਪਿਛਲੇ ਦਿਨ ਕੈਨੇਡਾ ਨਾਲ ਸਬੰਧਤ 32 ਲੋਕ ਗਾਜ਼ਾ ਵਿੱਚੋਂ ਨਿਕਲ ਸਕੇ ਸਨ। ਕੈਨੇਡੀਅਨਜ਼ ਦੇ ਪਹਿਲੇ ਗਰੁੱਪ ਨੂੰ ਮੰਗਲਵਾਰ ਰਫਾਹ ਬਾਰਡਰ ਕਰਾਸਿੰਗ ਰਾਹੀਂ ਮਿਸਰ ਜਾਣ ਦੀ ਇਜਾਜ਼ਤ ਮਿਲੀ ਸੀ ਜਿਸ ਵਿੱਚ 75 ਕੈਨੇਡੀਅਨ ਨਾਗਰਿਕ ਅਤੇ ਉਨ੍ਹਾਂ ਦੇ ਪਰਿਵਾਰ ਸਨ।
ਉੱਥੇ ਹੀ ਬੁੱਧਵਾਰ ਸਕਿਓਰਿਟੀ ਕਾਰਨਾਂ ਕਰਕੇ ਕਰਾਸਿੰਗ ਬੰਦ ਰੱਖੀ ਗਈ ਸੀ। ਵ੍ਹਾਈਟ ਹਾਊਸ ਨੇ ਬੀਤੇ ਕੱਲ੍ਹ ਜਾਣਕਾਰੀ ਦਿੱਤੀ ਸੀ ਕਿ ਇਜ਼ਰਾਈਲ ਵੱਲੋਂ ਰੋਜ਼ਾਨਾ 4 ਘੰਟੇ ਲਈ ਮਨੁੱਖੀ ਵਿਰਾਮ ਦੀ ਸਹਿਮਤੀ ਦਿੱਤੀ ਗਈ ਹੈ, ਜਿਸ 'ਤੇ ਕੈਨੇਡੀਅਨ ਅਧਿਕਾਰੀ ਦਾ ਕਹਿਣਾ ਹੈ ਕਿ ਇਸ ਨਾਲ ਵਧੇਰੇ ਵਿਦੇਸ਼ੀ ਨਾਗਰਿਕ ਨੂੰ ਜੰਗੀ ਖੇਤਰ ਵਿੱਚੋਂ ਨਿਕਲਣ ਦਾ ਮੌਕਾ ਮਿਲੇਗਾ। ਹਾਲਾਂਕਿ ਇਜ਼ਰਾਈਲੀ ਫੌਜ ਦਾ ਕਹਿਣਾ ਹੈ ਕਿ ਮਾਨਵਤਾਵਾਦੀ ਸਹਾਇਤਾ ਲਈ ਲੋਕਲ ਵਿਰਾਮ ਹੋਣਗੇ ਪਰ ਕੋਈ ਸੀਜ਼ਫਾਇਰ ਨਹੀਂ ਹੋਵੇਗਾ। ਗੌਰਤਲਬ ਹੈ ਕਿ ਇਜ਼ਰਾਇਲ ਦੇ ਜਵਾਬੀ ਹਮਲੇ ਵਿੱਚ ਹੁਣ ਤੱਕ ਗਾਜ਼ਾ ਵਿੱਚ 10,800 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਹਮਾਸ ਨੇ 7 ਅਕਤੂਬਰ ਨੂੰ ਇਜ਼ਰਾਇਲ 'ਤੇ ਹਮਲਾ ਬੋਲਿਆ ਸੀ ਜਿਸ ਵਿੱਚ 1,400 ਦੇ ਕਰੀਬ ਲੋਕ ਮਾਰੇ ਗਏ ਸਨ ਅਤੇ 200 ਤੋਂ ਵੱਧ ਲੋਕਾਂ ਨੂੰ ਬੰਧਕ ਬਣਾ ਕੇ ਲੈ ਗਏ ਸਨ।
