21.05C Vancouver 21.05C VancouverMar 17, 2021 7:22 PM -
ਅਮਰੀਕਾ 'ਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਐਟਲਾਂਟਾ ਦੇ 3 ਮਸਾਜ ਪਾਰਲਰਾਂ ਵਿੱਚ ਗੋਲੀਬਾਰੀ ਤੋਂ ਬਾਅਦ 21 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਸ ਘਟਨਾ 'ਚ 8 ਲੋਕਾਂ ਦੀ ਮੌਤ ਹੋ ਗਈ ਹੈ।
ਗ੍ਰਿਫਤਾਰ ਕੀਤੇ ਗਏ ਵਿਅਕਤੀ ਦੀ ਪਛਾਣ ਜੌਰਜੀਆ 'ਚ ਵੁਡਸਟੌਕ ਇਲਾਕੇ ਦੇ ਰੌਬਰਟ ਆਰਨ ਲੌਂਗ (Robert Aaron Long) ਵਜੋਂ ਹੋਈ ਹੈ।
ਘਟਨਾ ਦੌਰਾਨ ਐਕਵਰਥ ਇਲਾਕੇ 'ਚ ਸਥਿਤ ਮਸਾਜ ਪਾਰਲਰ 'ਚ 4 ਲੋਕਾਂ ਦੀ ਮੌਤ ਹੋ ਗਈ।
ਇਸ ਤੋਂ ਇਲਾਵਾ ਉੱਤਰਪੂਰਬੀ ਐਟਲਾਂਟਾ 'ਚ ਸਥਿਤ ਇੱਕ ਸਪਾ 'ਚ 3 ਲੋਕਾਂ ਦੀ ਮੌਤ ਦੀ ਜਾਣਕਾਰੀ ਦਿੱਤੀ ਗਈ।
ਇਸੇ ਇਲਾਕੇ 'ਚ ਸਥਿਤ ਇੱਕ ਹੋਰ ਸਪਾ 'ਚ ਇੱਕ ਵਿਅਕਤੀ ਦੀ ਮੌਤ ਹੋਈ ਦੱਸੀ ਗਈ।
ਯਾਦ ਰਹੇ ਇਹ ਘਟਨਾਵਾਂ ਉਸ ਵੇਲੇ ਵਾਪਰੀਆਂ ਹਨ ਜਦ ਇਲਾਕੇ 'ਚ ਏਸ਼ੀਆਈ ਅਮਰੀਕੀਆਂ 'ਖਿਲਾਫ਼ 'ਹੇਟ ਕਰਾਈਮ' ਦੇ ਮਾਮਲਿਆਂ 'ਚ ਵਾਧਾ ਹੋਣ ਬਾਰੇ ਦੱਸਿਆ ਜਾ ਰਿਹਾ ਹੈ।
ਅਮਰੀਕਾ ਦੇ ਰਾਸ਼ਟਰਪਤੀ ਜੋ ਬਾਈਡਨ ਨੇ ਘਟਨਾ ਤੋਂ ਬਾਅਦ ਦੁੱਖ ਜ਼ਾਹਿਰ ਕੀਤਾ ਹੈ।
