19.48C Vancouver 19.48C VancouverJul 26, 2021 11:18 PM -
ਟੋਕਿਓ ਓਲੰਪਿਕਸ ਵਿੱਚ 'ਸਪੋਰਟ ਅਪੀਲ, ਨੌਟ ਸੈਕਸ ਅਪੀਲ' ਜਿਹੇ ਮੰਤਰ ਦਾ ਅਧਿਕਾਰੀਆਂ ਵੱਲੋਂ ਪ੍ਰਚਾਰ ਕੀਤਾ ਜਾ ਰਿਹਾ ਹੈ।
ਹੈੱਡ ਆਫ ਬ੍ਰੌਡਕਾਸਟਿੰਗ ਯਿਆਨਿਸ ਐਕਸਾਰਕੋਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਟੀਮ ਫੀਮੇਲ ਅਥਲੀਟਾਂ ਦੀ ਜ਼ਰੂਰਤ ਤੋਂ ਵਧੇਰੇ ਸੈਕਸ਼ੂਅਲਾਈਜ਼ਡ ਇਮੇਜ ਨੂੰ ਖਤਮ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਫੀਮੇਲ ਅਥਲੀਟਾਂ ਦੇ ਸ਼ਰੀਰ ਦੇ ਹਿੱਸਿਆਂ ਦੇ ਕਲੋਜ਼-ਅਪ ਨਹੀਂ ਲਏ ਜਾ ਸਕਣਗੇ।
ਜਰਮਨ ਜਿਮਨਾਸਟਸ ਨੇ ਈਵੈਂਟ 'ਚ ਵਰਤੀਆਂ ਜਾਣ ਵਾਲੀਆਂ ਵਰਦੀਆਂ 'ਤੇ ਸਵਾਲ ਚੁੱਕੇ ਹਨ ਅਤੇ ਉਨ੍ਹਾਂ ਪ੍ਰੋਟੈਸਟ ਕਰਦੇ ਹੋਏ ਆਪਣੀਆਂ ਲੱਤਾਂ ਅਤੇ ਗਿੱਟੇ ਢਕਣ ਵਾਲੀਆਂ ਯੂਨੀਟਾਰਡਸ ਪਹਿਨਣ ਦਾ ਫੈਸਲਾ ਲਿਆ ਹੈ।
ਯਾਦ ਰਹੇ ਇਸ ਤੋਂ ਪਹਿਲਾਂ ਨੌਰਵੇ ਦੀ ਔਰਤਾਂ ਦੀ ਬੀਚ ਹੈਂਡਬਾਲ ਟੀਮ ਨੇ ਯੂਰੋਪੀਅਨ ਈਵੈਂਟ 'ਚ ਬਿਕਨੀ ਬੌਟਮ ਪਾਉਣ ਦੀ ਜਗ੍ਹਾ 'ਤੇ ਸ਼ੌਰਟਸ ਪਹਿਨਣ ਦਾ ਫੈਸਲਾ ਲਿਆ ਸੀ।
ਅਜਿਹਾ ਕਰਨ ਲਈ ਉਨ੍ਹਾਂ 'ਤੇ ਜੁਰਮਾਨਾ ਲੱਗਿਆ ਸੀ।
ਗਾਇਕ ਪਿੰਕ ਨੇ ਇਹ ਜੁਰਮਾਨਾ ਭਰਨ ਲਈ ਔਫਰ ਕੀਤਾ ਹੈ।
