30.28C Vancouver 30.28C VancouverDec 19, 2024 1:50 PM - The Canadian Press
ਫਰਾਂਸ ਵਿਚ ਇੱਕ ਸ਼ਖਸ ਨੂੰ ਆਪਣੀ ਪਤਨੀ ਦਾ 10 ਸਾਲ ਤੱਕ ਅਣਪਛਾਤੇ ਵਿਅਕਤੀਆਂ ਤੋਂ ਰੇਪ ਕਰਵਾਉਣ ਦੇ ਮਾਮਲੇ ਵਿਚ 20 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਡੋਮਿਨਿਕ ਪੈਲੀਕੋਟ ਵਲੋਂ ਆਪਣੀ ਪਤਨੀ ਗਿਜ਼ਲ ਪੇਲੀਕੋਟ ਨੂੰ ਨਸ਼ੇ ਦੀਆਂ ਦਵਾਈਆਂ ਦੇ ਕੇ ਬੇਹੋਸ਼ ਕੀਤਾ ਜਾਂਦਾ ਸੀ। ਮੁਲਜ਼ਮ ਡੋਮਿਨਿਕ ਦੀ ਉਮਰ ਹੁਣ 72 ਸਾਲ ਹੈ, ਜਿਸ ਦਾ ਮਤਲਬ ਹੈ ਕਿ ਉਸ ਨੂੰ ਆਪਣੀ ਬਾਕੀ ਦੀ ਜ਼ਿੰਦਗੀ ਜੇਲ੍ਹ ਵਿਚ ਹੀ ਬਿਤਾਉਣੀ ਹੋਵੇਗੀ।
ਉਸ ਦੇ ਨਾਲ ਹੀ 50 ਉਨ੍ਹਾਂ ਦੋਸ਼ੀਆਂ ਨੂੰ ਵੀ 20 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ ਜਿਨ੍ਹਾਂ ਨੇ ਗਿਜ਼ਲ ਪੇਲੀਕੋਟ ਦਾ ਬੋਹੋਸ਼ੀ ਦੀ ਹਾਲਤ ਵਿਚ ਰੇਪ ਕੀਤਾ। ਔਰਤ ਨਾਲ ਬਲਾਤਕਾਰ ਕਰਨ ਵਾਲੇ ਮੁਲਜ਼ਮਾਂ ਵਿਚ ਫਾਇਰਮੈਨ, ਡਰਾਈਵਰ,ਮਿਉਂਸਪਲ ਕੌਂਸਲਰ, ਬੈਂਕ ਮੁਲਾਜ਼ਮ, ਜੇਲ੍ਹ ਗਾਰਡ, ਨਰਸ ਅਤੇ ਪੱਤਰਕਾਰ ਤੱਕ ਸ਼ਾਮਲ ਹਨ। ਪੁਲਿਸ ਮੁਤਾਬਕ ਇਨ੍ਹਾਂ ਵਿਚੋਂ ਕਈਆਂ ਨੇ ਇੱਕ ਵਾਰ ਔਰਤ ਨਾਲ ਰੇਪ ਕੀਤਾ ਅਤੇ ਕਈਆਂ ਨੇ ਛੇ ਵਾਰ ਤੱਕ ਕੀਤਾ।
ਇਨ੍ਹਾਂ ਮੁਲਜ਼ਮਾਂ ਦੀ ਉਮਰ 26 ਤੋਂ 73 ਸਾਲ ਦਰਮਿਆਨ ਹੈ। ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਫਰਾਂਸ ਦੇ ਵੱਖ-ਵੱਖ ਸ਼ਹਿਰਾਂ ਵਿਚ ਪ੍ਰਦਰਸ਼ਨ ਵੀ ਹੋਏ ਸਨ। ਵੀਰਵਾਰ ਯਾਨੀ ਅੱਜ ਸੁਣਵਾਈ ਦੌਰਾਨ ਵੀ ਕਈ ਪ੍ਰਦਰਸ਼ਨਕਾਰੀ ਕੋਰਟ ਰੂਮ ਦੇ ਬਾਹਰ ਪਹੁੰਚੇ ਸਨ।
