11.5C Vancouver 11.5C VancouverApr 11, 2025 6:45 PM - Connect Newsroom
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦਾ ਕਹਿਣਾ ਹੈ ਕਿ ਟੈਰਿਫ ਕਾਰਨ ਗਲੋਬਲ ਆਰਥਿਕ ਮੰਦੀ ਦਾ ਅਸਰ ਕੈਨੇਡਾ 'ਤੇ ਪੈਣਾ ਸ਼ੁਰੂ ਹੋ ਗਿਆ ਹੈ। ਉਨ੍ਹਾਂ ਅੱਜ ਔਟਵਾ ਵਿਚ ਕੈਨੇਡਾ-ਅਮਰੀਕਾ ਸਬੰਧਾਂ ਬਾਰੇ ਆਪਣੀ ਕੈਬਨਿਟ ਕਮੇਟੀ ਨਾਲ ਬੈਠਕ ਮਗਰੋਂ ਇਹ ਟਿੱਪਣੀ ਕੀਤੀ।
ਕਾਰਨੀ ਨੇ ਕਿਹਾ ਕਿ ਬੈਠਕ ਵਿਚ ਅਰਥਵਿਵਸਥਾ ਵਿਚ ਮੰਦੀ ਦੇ ਸ਼ੁਰੂਆਤੀ ਸੰਕੇਤਾਂ ਅਤੇ ਕੈਨੇਡੀਅਨ ਅਰਥਵਿਵਸਥਾ 'ਤੇ ਪੈਣ ਵਾਲੇ ਪ੍ਰਭਾਵਾਂ ਬਾਰੇ ਚਰਚਾ ਕੀਤੀ ਗਈ ਤੇ ਨਾਲ ਹੀ ਅਮਰੀਕੀ ਟੈਰਿਫ ਖਿਲਾਫ ਕੈਨੇਡਾ ਦੀ ਪ੍ਰਤੀਕਰਿਆ ਦਾ ਵੀ ਰਿਵਿਊ ਕੀਤਾ ਗਿਆ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਾਡਾ ਫੋਕਸ ਟੈਰਿਫ ਨਾਲ ਨਜਿੱਠਣ, ਕੈਨੇਡਾ ਦੀ ਆਰਥਿਕਤਾ ਨੂੰ ਬਚਾਉਣਾ ਅਤੇ ਨਵੇਂ ਤਰੀਕੇ ਖੋਜਣ 'ਤੇ ਕੰਮ ਕਰਨਾ ਹੈ।
ਗੌਰਤਲਬ ਹੈ ਕਿ ਟਰੰਪ ਨੇ ਅਮਰੀਕਾ ਵਿਚ ਆਉਣ ਵਾਲੇ ਸਾਰੇ ਮਾਲ 'ਤੇ 10 ਫੀਸਦੀ ਇਕਸਾਰ ਟੈਰਿਫ ਲਾਗੂ ਕੀਤਾ ਹੈ, ਨਾਲ ਹੀ ਸਟੀਲ, ਐਲੂਮੀਨੀਅਮ, ਕਾਰਾਂ ਅਤੇ ਕਾਰਾਂ ਦੇ ਪੁਰਜ਼ੇ 'ਤੇ 25 ਫੀਸਦੀ ਟੈਰਿਫ ਵੀ ਲਾਗੂ ਰੱਖਿਆ ਹੈ।
