10.76C Vancouver 10.76C VancouverFeb 10, 2022 9:24 PM - The Canadian Press, translated by Connect News
ਕਰਾਊਡਫੰਡਿੰਗ ਸਾਈਟ ਗੋ-ਫੰਡ-ਮੀ ਦੇ ਨੁਮਾਇੰਦੇ ਮੈਂਬਰ ਪਾਰਲੀਅਮੈਂਟਸ ਸਾਹਮਣੇ ਪੇਸ਼ ਹੋਣਗੇ। ਨੁਮਾਇੰਦੇ ਦੱਸਣਗੇ ਕਿ ਉਹ ਕੀ ਕਦਮ ਚੁੱਕਣਗੇ ਜਿਸ ਨਾਲ ਐਕਟਰੀਮੀਜ਼ਮ ਯਾਨੀ ਕਲੀ ਅੱਤਵਾਦ ਸੰਬੰਧੀ ਫੰਡਿੰਗ ਨੂੰ ਰੋਕਿਆ ਜਾ ਸਕੇ।
ਐਨ.ਡੀ.ਪੀ. ਐਮ.ਪੀ. ਐਲਿਸਟਰ ਮੈਕਗਰੈਗਰ ਨੇ ਅੱਜ ਐਲਾਨ ਕੀਤਾ ਕਿ ਸਾਈਟ ਦੇ ਨੁਮਾਇੰਦਿਆਂ ਨੇ ਹਾਊਸ ਆਫ ਕਾਮਨਜ਼ ਦੀ ਸਟੈਂਡਿੰਗ ਕਮੇਟੀ ਸਾਹਮਣੇ ਪੇਸ਼ ਹੋਣ ਸੰਬੰਧੀ ਬੇਨਤੀ ਨੂੰ ਮਨਜੂਰ ਕਰ ਲਿਆ ਹੈ।
ਬੇਨਤੀ ਕੀਤੀ ਗਈ ਸੀ ਕਿ ਪਬਲਿਕ ਸੇਫਟੀ ਅਤੇ ਰਾਸ਼ਟਰੀ ਸੁਰੱਖਿਆ ਦੇ ਮਸਲੇ 'ਤੇ ਕਮੇਟੀ ਸਾਹਮਣੇ ਪੇਸ਼ ਹੋਇਆ ਜਾਵੇ।
ਮੈਕਗਰੈਗਰ ਨੇ ਇਸ ਸੰਬੰਧੀ ਮਤਾ ਪੇਸ਼ ਕੀਤਾ ਸੀ ਅਤੇ ਉਨ੍ਹਾਂ ਦੱਸਿਆ ਕਿ ਨੁਮਾਇੰਦੇ 3 ਮਾਰਚ ਨੂੰ ਪੇਸ਼ ਹੋਣਗੇ।
ਯਾਦ ਰਹੇ ਗੋ-ਫੰਡ-ਮੀ ਆਸਰੇ ਹੋਈ ਔਟਵਾ 'ਚ ਜਾਰੀ ਪ੍ਰਦਰਸ਼ਨਾਂ ਸੰਬੰਧੀ ਫੰਡਿੰਗ ਬਾਰੇ ਸਵਾਲ ਉੱਠੇ ਸਨ।
ਇਨ੍ਹਾਂ ਪ੍ਰਦਰਸ਼ਨਾਂ ਨੂੰ ਹੁਣ ਕਰੀਬ 2 ਹਫ਼ਤੇ ਹੋ ਚੱਲੇ ਹਨ।
ਇਸ ਸਾਈਟ ਆਸਰੇ ਡੋਨਰਸ ਨੇ $10 ਮਿਲੀਅਨ ਤੋਂ ਵਧੇਰੇ ਰਾਸ਼ੀ ਡੋਨੇਟ ਕੀਤੀ ਸੀ।
ਹਾਲਾਂਕਿ ਸਾਈਟ ਨੇ ਬੀਤੇ ਹਫ਼ਤੇ ਐਲਾਨ ਕੀਤਾ ਸੀ ਕਿ ਇਹ ਪੈਸਾ ਰਿਫੰਡ ਕੀਤਾ ਜਾਵੇਗਾ।
ਸਾਈਟ ਦਾ ਕਹਿਣਾ ਸੀ ਕਿ ਪਹਿਲਾਂ ਉਨ੍ਹਾਂ ਨੂੰ ਲਗਦਾ ਸੀ ਕਿ ਪ੍ਰਦਰਸ਼ਨ ਸ਼ਾਂਤਮਈ ਹੋਣਗੇ ਪਰ ਬਾਅਦ 'ਚ ਸਾਈਟ ਨੇ ਆਖਿਆ ਕਿ ਉਨ੍ਹਾਂ ਕੋਲ ਪ੍ਰਮਾਣ ਹਨ ਕਿ ਪ੍ਰਦਰਸ਼ਨ ਹਿੰਸਕ ਹੋ ਰਹੇ ਹਨ।
