11.92C Vancouver 11.92C VancouverFeb 23, 2021 10:28 PM -
ਗੌਲਫ ਦੀ ਖੇਡ ਦੇ ਦਿੱਗਜ ਖਿਡਾਰੀ ਟਾਈਗਰ ਵੁਡਸ ਦੀ ਗੱਡੀ ਦਾ ਲੌਸ ਐਂਜਲਿਸ 'ਚ ਕ੍ਰੈਸ਼ ਹੋ ਗਿਆ ਹੈ।
ਉਨ੍ਹਾਂ ਦੀਆਂ ਲੱਤਾਂ 'ਤੇ ਗੰਭੀਰ ਸੱਟਾਂ ਲੱਗੀਆਂ ਹਨ।
ਜਾਣਕਾਰੀ ਅਨੁਸਾਰ ਟਾਈਗਰ ਵੁਡਸ ਦੀ ਸਰਜਰੀ ਕੀਤੀ ਜਾ ਰਹੀ ਹੈ।
ਦੱਸਿਆ ਗਿਆ ਕਿ ਜਿਸ ਵਾਹਨ ਦਾ ਕ੍ਰੈਸ਼ ਹੋਇਆ ਉਸ 'ਚ ਟਾਈਗਰ ਵੁਡਸ ਇਕੱਲੇ ਹੀ ਸਨ।
ਕ੍ਰੈਸ਼ 'ਚ ਗੱਡੀ ਬੁਰੀ ਤਰ੍ਹਾਂ ਨੁਕਸਾਨੀ ਗਈ ਅਤੇ ਕ੍ਰੈਸ਼ ਇੰਨਾ ਖਤਰਨਾਕ ਸੀ ਕਿ ਟਾਈਗਰ ਵੁਡਸ ਨੂੰ ਗੱਡੀ ਤੋਂ ਬਾਹਰ ਕੱਢਣ ਲਈ 'ਜਾਅਸ ਆਫ ਲਾਈਫ' ਦੀ ਵਰਤੋਂ ਕਰਨੀ ਪਈ।
ਹਾਲਾਂਕਿ ਜਾਣਕਾਰੀ ਅਨੁਸਾਰ ਟਾਈਗਰ ਵੁਡਸ ਦੀ ਜਾਨ ਨੂੰ ਖਤਰਾ ਨਹੀਂ ਦੱਸਿਆ ਗਿਆ ਹੈ, ਜੋ ਕਿ ਰਾਹਤ ਦੀ ਖਬਰ ਹੈ।
ਹਾਲਾਂਕਿ ਉਨ੍ਹਾਂ ਦੇ ਮੈਨੇਜਰ ਦਾ ਕਹਿਣਾ ਹੈ ਕਿ ਵੁਡਸ ਦੀ ਸਥਿਤੀ ਬਾਰੇ ਅਜੇ ਕੁਝ ਪੱਕੀ ਜਾਣਕਾਰੀ ਨਹੀਂ ਹੈ। ਲੌਸ ਐਂਜਲਿਸ ਸ਼ੈਰਿਫ ਡਿਪਾਰਟਮੈਂਟ ਨੇ ਇੱਕ ਬਿਆਨ 'ਚ ਦੱਸਿਆ ਕਿ, ਘਟਨਾ 'ਚ ਕੋਈ ਹੋਰ ਗੱਡੀ ਸ਼ਾਮਿਲ ਨਹੀਂ ਸੀ। ਘਟਨਾ ਸਥਾਨਿਕ ਸਮੇਂ ਅਨੁਸਾਰ, ਸਵੇਰੇ ਕਰੀਬ 7.15 ਵਜੇ ਵਾਪਰੀ ਦੱਸੀ ਗਈ ਹੈ।
ਘਟਨਾ ਲੌਸ ਐਂਜਲਿਸ ਡਾਊਨਟਾਊਨ ਤੋਂ ਕਰੀਬ 32km ਦੀ ਦੂਰੀ 'ਤੇ ਦੱਖਣ ਦਿਸ਼ਾ 'ਚ ਵਾਪਰੀ।
ਇਸ ਵੀਕਐਂਡ ਦੌਰਾਨ ਟਾਈਗਰ ਵੁਡਸ ਲੌਸ ਐਂਜਲਿਸ 'ਚ ਸਨ ਅਤੇ ਜੈਨੇਸਿਸ ਇਨਵੀਟੇਸ਼ਨਲ ਨੂੰ ਹੋਸਟ ਕਰ ਰਹੇ ਸਨ।
