18.88C Vancouver 18.88C VancouverJun 15, 2021 10:21 PM -
ਨਾਮੀ ਅਦਾਕਾਰਾ ਲੀਜ਼ਾ ਬੇਨਸ ਦੀ ਮੌਤ ਹੋ ਗਈ ਹੈ।
ਨਿਊ ਯਾਰਕ 'ਚ ਵਾਪਰੀ ਇੱਕ ਹਿੱਟ ਐਂਡ ਰਨ ਘਟਨਾ ਦੀ ਸ਼ਿਕਾਰ ਹੋਣ ਤੋਂ ਬਾਅਦ ਲੀਜ਼ਾ ਬੇਨਸ ਨੇ ਕਰੀਬ 10 ਦਿਨ ਤਕ ਜ਼ਿੰਦਗੀ ਤੇ ਮੌਤ ਵਿਚਾਲੇ ਦਾ ਸੰਘਰਸ਼ ਜਾਰੀ ਰੱਖਣ ਤੋਂ ਬਾਅਦ ਸੋਮਾਰ ਨੂੰ ਦਮ ਤੋੜ ਦਿੱਤਾ।
ਇੱਕ ਪੁਲਿਸ ਬੁਲਾਰੇ ਦਾ ਕਹਿਣਾ ਸੀ ਕਿ 65 ਸਾਲਾ ਬੇਨਸ ਨੇ ਮਾਊਂਟ ਸਿਨਾਈ ਮੌਰਨਿੰਗਸਾਈਡ ਹਸਪਤਾਲ 'ਚ ਸੋਮਵਾਰ ਨੂੰ ਆਖਰੀ ਸਾਹ ਲਏ।
4 ਜੂਨ ਨੂੰ ਇੱਕ ਸਟ੍ਰੀਟ ਟੱਪਦੇ ਹੋਏ ਇੱਕ ਸਕੂਟਰ ਜਾਂ ਮੋਟਰਸਾਈਕਲ ਬੇਨਸ ਨਾਲ ਟਕਰਾ ਗਿਆ ਸੀ।
ਬੇਨਸ ਨੇ ਅਨੇਕਾਂ ਟੀ.ਵੀ. ਸ਼ੋਅ ਅਤੇ ਫਿਲਮਾਂ 'ਚ ਕੰਮ ਕੀਤਾ ਸੀ।
ਉਨ੍ਹਾਂ ਨੇ ਸਾਲ 1988 'ਚ ਟੌਮ ਕਰੂਜ਼ ਨਾਲ ਕੌਕਟੇਲ ਅਤੇ 2014 'ਚ ਬੈਨ ਐਫਲੈਕ ਦੇ ਨਾਲ 'ਗੌਨ ਗਰਲ' 'ਚ ਅਹਿਮ ਕਿਰਦਾਰ ਨਿਭਾਏ ਸਨ।
ਉਨ੍ਹਾਂ ਦੇ ਮੈਨੇਜਰ ਦਾ ਕਹਿਣਾ ਸੀ ਕਿ ਐਮਸਟਰਡੈਮ ਐਵੀਨਿਊ ਦੇ ਇਲਾਕੇ 'ਚ ਸਟ੍ਰੀਟ ਟੱਪਦੇ ਹੋਏ ਘਟਨਾ ਵਾਪਰੀ ਸੀ।
ਮਾਮਲੇ 'ਚ ਫਿਲਹਾਲ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਹੈ।
