14.57C Vancouver 14.57C VancouverMay 27, 2025 6:35 PM - Connect Newsroom
ਅੱਜ ਐਡਮਿੰਟਨ ਆਇਲਰਸ ਦੀ ਕੋਸ਼ਿਸ਼ ਹੋਵੇਗੀ ਕਿ ਐਨ.ਐਚ.ਐਲ. ਦੇ ਬੈਸਟ ਆਫ ਸੈਵਨ ਵੈਸਟਰਨ ਕਾਨਫਰੰਸ ਫਾਈਨਲ 'ਚ ਆਪਣੀ ਲੀਡ ਨੂੰ ਹੋਰ ਮਜਬੂਤ ਕੀਤਾ ਜਾ ਸਕੇ।
ਐਡਮਿੰਟਨ ਆਇਲਰਸ ਅੱਜ ਦੇ ਮੁਕਾਬਲੇ ਲਈ ਘਰੇਲੂ ਆਈਸ 'ਤੇ ਪਰਤ ਰਹੇ ਹਨ।
ਵੀਕਐਂਡ ਦੌਰਾਨ ਆਇਲਰਸ ਨੇ ਡੈਲਸ ਸਟਾਰਸ ਨੂੰ ਮਾਤ ਦੇ ਕੇ ਸੀਰੀਜ਼ ਵਿੱਚ 2-1 ਦੀ ਲੀਡ ਹਾਸਿਲ ਕਰ ਲਈ ਸੀ।
ਉਧਰ ਡੈਲਸ ਸਟਾਰਸ ਦੀ ਕੋਸ਼ਿਸ਼ ਹੋਵੇਗੀ ਕਿ ਐਡਮਿੰਟਨ ਖਿਲਾਫ ਬਰਾਬਰੀ ਹਾਸਿਲ ਕੀਤੀ ਜਾ ਸਕੇ। ਈਸਟਰਨ ਕਾਨਫਰੰਸ ਫਾਈਨਲ ਸੀਰੀਜ਼ ਵਿੱਚ ਕੈਰੋਲੀਨਾ ਹਰੀਕੇਨਸ ਨੇ ਬੀਤੀ ਰਾਤ ਫਲੋਰੀਡਾ ਪੈਂਥਰਸ ਨੂੰ 3-0 ਨਾਲ ਮਾਤ ਦਿੱਤੀ।
ਇਸ ਦੇ ਨਾਲ ਕੈਰੋਲੀਨਾ ਹਰੀਕੇਨਸ ਹੁਣ ਵੀ ਸੀਰੀਜ਼ 'ਚ ਬਣੇ ਹੋਏ ਹਨ।
ਹਾਲਾਂਕਿ ਪੈਂਥਰਸ ਨੂੰ ਹੁਣ ਵੀ ਸੀਰੀਜ਼ ਵਿੱਚ 3-1 ਦੀ ਮਜਬੂਤ ਲੀਡ ਹਾਸਿਲ ਹੈ।
