ਗੋਰਡੀ ਹਾਵੇ ਇੰਟਰਨੈਸ਼ਨਲ ਬ੍ਰਿਜ ਦੇ ਉਦਘਾਟਨ ਦੀ ਤਿਆਰੀ, ਕੈਨੇਡਾ ਨੇ ਟਰੰਪ ਦੇ ਦਾਅਵਿਆਂ ਨੂੰ ਕੀਤਾ ਖਾਰਜ

ਕੈਨੇਡਾ ਅਤੇ ਅਮਰੀਕਾ ਵਿਚਕਾਰ ਨਵੇਂ ਗੋਰਡੀ Howe bridge ਦਾ ਉਦਘਾਟਨ ਹੋਣ ਜਾ ਰਿਹਾ ਹੈ, ਫਰਵਰੀ ਵਿਚ ਟਰੰਪ ਨੇ ਇਸ ਦੀ ਓਪਨਿੰਗ ਨੂੰ ਰੋਕਣ ਦੀ ਧਮਕੀ ਦਿੱਤੀ ਸੀ। ਓਨਟਾਰੀਓ ਦੇ ਵਿੰਡਸਰ ਅਤੇ ਮਿਸ਼ੀਗਨ ਦੇ Detroit ਨੂੰ ਜੋੜਨ ਵਾਲੇ ਇਸ ਪੁਲ ਦੀ ਰਿਬਨ ਕਟਿੰਗ ਸੈਰੇਮਨੀ ਸ਼ੁੱਕਰਵਾਰ ਨੂੰ ਹੋ ਸਕਦੀ ਹੈ।

ਟਰੰਪ ਨੇ ਸਾਲ ਦੇ ਸ਼ੁਰੂ ਵਿਚ ਕਿਹਾ ਸੀ ਕਿ ਮੈਂ ਇਸ ਪੁਲ ਨੂੰ ਉਦੋਂ ਤੱਕ ਨਹੀਂ ਖੁੱਲ੍ਹਣ ਦੇਵਾਂਗਾ ਜਦੋਂ ਤੱਕ ਅਮਰੀਕਾ ਨੂੰ ਇਸ ਵਿਚ ਹਿੱਸੇਦਾਰੀ ਨਹੀਂ ਮਿਲਦੀ। ਪ੍ਰਧਾਨ ਮੰਤਰੀ ਨੇ ਅੱਜ ਪੱਤਰਕਾਰਾਂ ਵਲੋਂ ਪੁੱਛੇ ਸਵਾਲ 'ਤੇ ਸਪੱਸ਼ਟ ਕੀਤਾ ਕਿ ਇਸ ਮਾਮਲੇ ਵਿਚ ਅੰਦਰਖਾਤੇ ਕਿਸੇ ਵੀ Concession ਦੀ ਗੱਲਬਾਤ ਨਹੀਂ ਹੋਈ, ਉਹਨਾਂ ਇਸ ਪੁਲ ਦੇ ਜਲਦ ਖੁੱਲ੍ਹਣ 'ਤੇ ਖੁਸ਼ੀ ਪ੍ਰਗਟਾਉਂਦਿਆਂ ਕਿਹਾ ਕਿ ਇਸ ਨਾਲ ਦੋਵਾਂ ਮੁਲਕਾਂ ਦੇ ਲੋਕਾਂ ਅਤੇ ਵਪਾਰ ਨੂੰ ਫਾਇਦਾ ਹੋਵੇਗਾ।

ਗੌਰਤਲਬ ਹੈ ਕਿ ਇਸ ਪੁਲ ਦਾ ਖ਼ਰਚ ਕੈਨੇਡਾ ਸਰਕਾਰ ਵਲੋਂ ਕੀਤਾ ਗਿਆ ਹੈ ਪਰ ਇਹ ਜਨਤਕ ਤੌਰ 'ਤੇ ਕੈਨੇਡਾ ਅਤੇ ਮਿਸ਼ੀਗਨ ਦੋਵਾਂ ਦੀ ਮਲਕੀਅਤ ਹੋਵੇਗਾ। ਰਿਪੋਰਟਸ ਮੁਤਾਬਕ, ਗੋਰਡੀ ਹਾਵੇ ਇੰਟਰਨੈਸ਼ਨਲ ਬ੍ਰਿਜ ਨੂੰ ਅਗਲੇ ਸੋਮਵਾਰ ਤੋਂ ਆਮ ਟ੍ਰੈਫਿਕ ਲਈ ਵੀ ਖੋਲ੍ਹਿਆ ਜਾ ਸਕਦਾ ਹੈ।