7.18C Vancouver 7.18C VancouverJul 14, 2022 3:20 PM - ANI
ਸ਼੍ਰੀਲੰਕਾ ਵਿਚ ਜਨਤਕ ਵਿਦਰੋਹ ਦੇ ਦਬਾਅ ਵਿਚਕਾਰ ਰਾਸ਼ਟਰਪਤੀ ਗੋਟਾਬਾਯਾ ਰਾਜਪਕਸ਼ੇ ਨੇ ਵੀਰਵਾਰ ਨੂੰ ਸੰਸਦ ਦੇ ਸਪੀਕਰ ਨੂੰ ਆਪਣਾ ਅਸਤੀਫ਼ਾ ਸੌਂਪ ਦਿੱਤਾ ਹੈ।
ਸ਼੍ਰੀਲੰਕਾ ਦੇ ਸਪੀਕਰ ਦਫ਼ਤਰ ਨੇ ਦੱਸਿਆ ਕਿ ਸੰਸਦ ਦੇ ਸਪੀਕਰ ਨੂੰ ਰਾਜਪਕਸ਼ੇ ਦਾ ਅਸਤੀਫ਼ਾ ਪੱਤਰ ਮਿਲ ਗਿਆ ਹੈ।
ਉੱਥੇ ਹੀ, ਇਸ ਵਿਚਕਾਰ ਸਿੰਗਾਪੁਰ ਦੇ ਵਿਦੇਸ਼ ਮੰਤਰਾਲਾ ਨੇ ਕਿਹਾ ਹੈ ਕਿ ਰਾਜਪਕਸ਼ੇ ਨੂੰ ਨਿੱਜੀ ਯਾਤਰਾ 'ਤੇ ਇੱਥੇ ਆਉਣ ਦੀ ਇਜ਼ਾਜਤ ਦਿੱਤੀ ਗਈ ਹੈ। ਨਾਲ ਹੀ ਇਹ ਵੀ ਸਪੱਸ਼ਟ ਕੀਤਾ ਕਿ ਰਾਜਪਕਸ਼ੇ ਨੇ ਸ਼ਰਣ ਨਹੀਂ ਮੰਗੀ ਹੈ ਤੇ ਨਾ ਹੀ ਉਨ੍ਹਾਂ ਨੂੰ ਸ਼ਰਣ ਦਿੱਤੀ ਗਈ ਹੈ।
ਗੌਰਤਲਬ ਹੈ ਕਿ 9 ਜੁਲਾਈ ਨੂੰ ਪ੍ਰਦਰਸ਼ਨਕਾਰੀਆਂ ਦੇ ਭਾਰੀ ਹਜ਼ੂਮ ਨੂੰ ਆਪਣੀ ਰਿਹਾਇਸ਼ 'ਤੇ ਦੇਖਦੇ ਹੋਏ 73 ਸਾਲਾ ਸਾਲਾ ਰਾਜਪਕਸ਼ੇ ਗਾਇਬ ਹੋ ਗਏ ਸਨ ਅਤੇ ਉਨ੍ਹਾਂ ਕਿਹਾ ਸੀ ਕਿ ਉਹ ਆਪਣਾ ਅਸਤੀਫ਼ਾ ਬੁੱਧਵਾਰ ਨੂੰ ਦੇ ਦੇਣਗੇ।
