14.61C Vancouver 14.61C VancouverMar 31, 2021 3:35 PM -
ਕੈਨੇਡਾ ਅਤੇ ਓਂਨਟੈਰਿਓ ਦੀਆਂ ਸਰਕਾਰਾਂ ਵਲੋਂ ਟੋਰੌਂਟੋ ਵਿੱਚ ਇੰਫਲੂਐਂਜ਼ਾ ਦੇ ਟੀਕੇ ਬਣਾਉਣ ਵਾਲੀ ਇੱਕ ਨਵੀਂ ਫਸਿਲਿਟੀ ਉਸਾਰਨ ਦਾ ਐਲਾਨ ਕੀਤਾ ਗਿਆ ਹੈ।
ਇੰਨੋਵੇਸ਼ਨ ਮਿਨਿਸਟਰ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਮੁਤਾਬਕ ਫੈਡਰਲ ਸਰਕਾਰ ‘ਸਨੋਫੀ ਪੈਸਚਰ ਲਿਮਿਟਿਡ’ ਨਾਲ ਸਾਂਝੇਦਾਰੀ ਵਿੱਚ $415 ਮਿਲੀਅਨ ਦਾ ਨਿਵੇਸ਼ ਕਰੇਗੀ।
ਸ਼ੈਂਪੇਨ ਦਾ ਕਹਿਣਾ ਹੈ ਕਿ ਮਹਾਂਮਾਰੀ ਨੇ ਸਾਰੇ ਦੇਸ਼ਾਂ ਨੂੰ ਸਿਖਾਇਆ ਹੈ ਕਿ ਉਨ੍ਹਾਂ ਨੂੰ ਘਰੇਲੂ ਟੀਕਾ ਨਿਰਮਾਣ ਦੀ ਸਮਰੱਥਾ ਦੀ ਜ਼ਰੂਰਤ ਹੈ।
ਓਂਨਟੈਰਿਓ ਦੇ ਪ੍ਰੀਮੀਅਰ ਡੱਗ ਫੋਰਡ ਅਨੁਸਾਰ ਉਨ੍ਹਾਂ ਦੀ ਸਰਕਾਰ ਇਸ ਉਪਰਾਲੇ ਲਈ $55 ਮਿਲੀਅਨ ਦਾ ਯੋਗਦਾਨ ਦੇਵੇਗੀ।
ਸਨੋਫੀ ਵਲੋਂ $455 ਮਿਲੀਅਨ ਖਰਚੇ ਜਾਣਗੇ ਅਤੇ ਇਸ ਫਸਿਲਿਟੀ ਰਾਹੀਂ ਕੈਨੇਡਾ ਵਿੱਚ 1,225 ਨਵੀਆਂ ਨੌਕਰੀਆਂ ਪੈਦਾ ਹੋਣਗੀਆਂ।
ਕੰਪਨੀ ਵੱਲੋਂ ਫਲੂ ਵੈਕਸੀਨਜ਼ ਦੀ ਖੋਜ ਅਤੇ ਵਿਕਾਸ ਲਈ ਹਰ ਸਾਲ $79 ਮਿਲੀਅਨ ਖਰਚਣ ਦਾ ਟੀਚਾ ਵੀ ਹੈ।
