16.79C Vancouver 16.79C VancouverJul 2, 2020 3:50 PM -
ਅੱਜ ਸਵੇਰ ਤਕਰੀਬਨ ਸਾਢੇ ਛੇ ਵਜੇ ਔਟਵਾ ਵਿਖੇ ਰਿਡੋ ਹਾਲ ਦੇ ਮੈਦਾਨ ਵਿੱਚੋਂ ਆਰ.ਸੀ.ਐਮ.ਪੀ. ਨੇ ਇੱਕ ਹਥਿਆਰਬੰਦ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ।
ਕੈਨੇਡਾ ਦੇ ਗਵਰਨਰ ਜਨਰਲ ਅਤੇ ਪ੍ਰਧਾਨ ਮੰਤਰੀ ਦੀ ਰਿਹਾਇਸ਼ ਰਿਡੋ ਹਾਲ ਵਿੱਚ ਹੀ ਹੈ।
ਗਵਰਨਰ ਜਨਰਲ ਜੂਲੀ ਪਾਇਟ ਨੇ ਇੱਕ ਟਵੀਟ ਰਾਹੀਂ ਆਰ.ਸੀ.ਐਮ.ਪੀ. ਦਾ ਇਸ ਗ੍ਰਿਫ਼ਤਾਰੀ ਲਈ ਧੰਨਵਾਦ ਕੀਤਾ।
ਉਹਨਾਂ ਲਿਖਿਆ ਕਿ ਉਹਨਾਂ ਦਾ ਸਾਰਾ ਸਟਾਫ਼ ਸੁਰੱਖਿਅਤ ਹੈ।
ਜਿਸ ਵੇਲੇ ਇਹ ਕਾਰਵਾਈ ਹੋਈ, ਉਸ ਵੇਲੇ ਪ੍ਰਧਾਨ ਮੰਤਰੀ ਅਤੇ ਗਵਰਨਰ ਜਨਰਲ ਆਪਣੇ ਘਰਾਂ ਵਿੱਚ ਨਹੀਂ ਸਨ।
ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ ਜਸਟਿਨ ਟਰੂਡੋ ਰਿਡੋ ਹਾਲ ਦੀ ਰਿਡੋ ਕੌਟੇਜ ਵਿੱਚ ਰਹਿ ਰਹੇ ਹਨ।
