10.54C Vancouver 10.54C VancouverOct 8, 2026 1:23 PM - Connect Newsroom - Ramandeep Kaur
ਐਬਟਸਫੋਰਡ ਵਿਚ ਸੁਮਾਸ ਵੇਅ ਵਿਖੇ ਹਾਈਵੇਅ 1 'ਤੇ ਇੱਕ ਵੱਡਾ ਸੜਕ ਹਾਦਸਾ ਵਾਪਰਿਆ ਹੈ, ਜਿੱਥੇ ਅਨਾਜ ਨਾਲ ਲੱਦਿਆ ਇੱਕ ਸੈਮੀ-ਟਰੱਕ ਪਲਟ ਗਿਆ। ਇਸ ਹਾਦਸੇ ਕਾਰਨ ਹਾਈਵੇਅ ਦੀਆਂ ਕਈ ਲੇਨਾਂ ਪੂਰੀ ਤਰ੍ਹਾਂ ਬੰਦ ਹੋ ਗਈਆਂ ਅਤੇ ਆਵਾਜਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ।
ਰਾਹਤ ਦੀ ਖ਼ਬਰ ਇਹ ਹੈ ਕਿ ਇਸ ਘਟਨਾ ਵਿਚ ਕਿਸੇ ਦੇ ਜ਼ਖਮੀ ਹੋਣ ਦੀ ਖ਼ਬਰ ਨਹੀਂ ਹੈ। ਮੌਕੇ 'ਤੇ ਪਹੁੰਚੀ ਐਬਟਸਫੋਰਡ ਪੁਲਿਸ ਅਤੇ ਐਮਰਜੈਂਸੀ ਕਰਮਚਾਰੀਆਂ ਵੱਲੋਂ ਸਥਿਤੀ ਸੰਭਾਲੀ ਗਈ। ਇਸ ਦੌਰਾਨ ਦੋਵਾਂ ਦਿਸ਼ਾਵਾਂ ਵਿਚ ਹਾਈਵੇਅ 1 ਨੂੰ ਘਟਾ ਕੇ ਸਿਰਫ਼ ਇੱਕ ਲੇਨ ਕਰ ਦਿੱਤਾ ਗਿਆ ਅਤੇ ਸੁਮਾਸ ਵੇਅ ਦੇ westbound on-ramp ਨੂੰ ਵੀ ਬੰਦ ਕਰ ਦਿੱਤਾ ਗਿਆ।
ਪੁਲਿਸ ਨੇ ਸਵੇਰ ਦੇ ਸਮੇਂ ਕੰਮ 'ਤੇ ਜਾਣ ਵਾਲੇ ਡਰਾਈਵਰਾਂ ਨੂੰ ਇਸ ਹਿੱਸੇ ਵਿਚੋਂ ਲੰਘਣ ਵੇਲੇ ਬੇਹੱਦ ਸਾਵਧਾਨੀ ਵਰਤਣ, ਸੰਭਵ ਹੋਵੇ ਤਾਂ ਬਦਲਵੇਂ ਰੂਟ ਦੀ ਵਰਤੋਂ ਕਰਨ ਅਤੇ ਜਾਮ ਦੇ ਮੱਦੇਨਜ਼ਰ ਵਾਧੂ ਸਮਾਂ ਲੈ ਕੇ ਘਰੋਂ ਨਿਕਲਣ ਦੀ ਅਪੀਲ ਕੀਤੀ। ਫਿਲਹਾਲ ਸੈਮੀ-ਟਰੱਕ ਦੇ ਪਲਟਣ ਦਾ ਕਾਰਨ ਸਾਹਮਣੇ ਨਹੀਂ ਆਇਆ ਹੈ।
