16.12C Vancouver 16.12C VancouverMar 10, 2020 12:30 AM -
ਸੈਨ ਫਰੈਂਸਿਸਕੋ ਦੇ ਕੋਲ ਕਈ ਦਿਨ ਤਕ ਪਾਣੀਆਂ 'ਚ ਇਕੱਲੇ 'ਚ ਰੱਖੀ ਗਈ ਕਰੂਜ਼ ਸ਼ਿਪ, 'ਗ੍ਰੈਂਡ ਪ੍ਰਿੰਸੈਸ' ਨੂੰ ਅੱਜ ਕਿਨਾਰੇ 'ਤੇ ਲਿਆਂਦਾ ਗਿਆ ਹੈ।
ਇਸਤੋਂ ਬਾਅਦ ਸਮੁੰਦਰੀ ਜਹਾਜ 'ਤੇ ਸਵਾਰ ਯਾਤਰੀਆਂ ਦੇ ਟੈਸਟ ਕੀਤੇ ਜਾਣਗੇ, ਅਤੇ ਫੇਰ ਜਿਹੜੇ ਯਾਤਰੀ ਟੈਸਟ 'ਚ ਨੈਗੇਟਿਵ ਆਉਂਦੇ ਹਨ, ਓਹ ਆਪਣੇ ਦੇਸ਼ ਪਰਤ ਸਕਣਗੇ।
ਕੈਨੇਡਾ ਦੇ 237 ਯਾਤਰੀ ਇਸ ਸਮੁੰਦਰੀ ਜਹਾਜ 'ਤੇ ਸਵਾਰ ਸਨ।
ਵਿਦੇਸ਼ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਨੇ ਕਿਹਾ ਹੈ ਕਿ ਉਮੀਦ ਹੈ ਕਿ ਜਲਦੀ ਹੀ ਇਨ੍ਹਾਂ ਕਨੇਡੀਅਨਸ ਨੂੰ ਹਵਾਈ ਜਹਾਜ ਤਕ ਲੈ ਜਾਣਗੇ, ਅਤ ਫੇਰ ਇਹ ਵਾਪਿਸ ਕੈਨੇਡਾ ਪਰਤ ਸਕਣਗੇ।
ਹਾਲਾਂਕਿ ਵਾਪਿਸ ਪਰਤਣ 'ਤੇ ਵੀ ਇਨ੍ਹਾਂ ਕਨੇਡੀਅਨਸ ਨੂੰ ਔਂਟੈਰੀਓ 'ਚ ਟ੍ਰੈਂਟਨ ਵਿੱਚ ਕੁਆਰੰਟੀਨ ਰਖਿਆ ਜਾਵੇਗਾ।
ਵਿਸ਼ਵ ਭਰ 'ਚ ਕੋਰੋਨਾ ਵਾਇਰਸ ਕਾਰਨ ਪੀੜਤ ਲੋਕਾਂ ਦੀ ਗਿਣਤੀ 1,10,000 ਦਾ ਅੰਕੜਾ ਟੱਪ ਗਈ ਹੈ।
ਕੈਨੇਡਾ 'ਚ ਇਸ ਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 76 ਤਕ ਪਹੁੰਚ ਗਈ ਹੈ।
