11.95C Vancouver 11.95C VancouverApr 17, 2023 7:52 PM - B.C Government
ਵਧੇਰੇ ਔਰਤਾਂ ਅਤੇ ਗੈਰ-ਬਾਈਨਰੀ ਪਰਵਾਸੀ ਅਤੇ ਰੈਫਿਉਜੀ ਲੋਕ ਜਿਨ੍ਹਾਂ ਨੇ ਹਿੰਸਾ, ਦੁਰਵਿਵਹਾਰ ਜਾਂ ਸਦਮੇ ਦਾ ਅਨੁਭਵ ਕੀਤਾ ਹੈ, YWCA ਮੈਟਰੋ ਵੈਨਕੂਵਰ ਨੂੰ ਮਿਲੀ $2.4-ਮਿਲੀਅਨ ਦੀ ਗ੍ਰਾਂਟ ਰਾਹੀਂ ਰੁਜ਼ਗਾਰ ਸੇਵਾਵਾਂ ਅਤੇ ਸਹਾਇਤਾਵਾਂ ਤੱਕ ਪਹੁੰਚ ਕਰਨ ਦੇ ਯੋਗ ਹੋਣਗੇ।
ਇਹ ਤਿੰਨ-ਸਾਲਾ ਗ੍ਰਾਂਟ YWCA ਮੈਟਰੋ ਵੈਨਕੂਵਰ ਦੇ ‘ਐਕਸਿਸ’ ਪ੍ਰੋਗਰਾਮ ਨੂੰ ਵਧਾਏਗੀ ਅਤੇ ਉਸ ਦਾ ਵਿਸਤਾਰ ਕਰੇਗੀ, ਜੋ ਇੱਕ ਸਦਮਾ-ਸੂਚਿਤ, ਸੱਭਿਆਚਾਰਕ ਤੌਰ 'ਤੇ ਸੁਰੱਖਿਅਤ ਰੁਜ਼ਗਾਰ ਪ੍ਰੋਗਰਾਮ ਹੈ।
2021 ਤੋਂ, YWCA ਮੈਟਰੋ ਵੈਨਕੂਵਰ ਨੇ 12-ਹਫ਼ਤੇ ਦੇ ਐਕਸਿਸ ਪ੍ਰੋਗਰਾਮ ਦੀ ਪੇਸ਼ਕਸ਼ ਸ਼ੁਰੂ ਕੀਤੀ ਹੈ, ਜਿਸ ਨਾਲ ਲਗਭਗ 200 ਔਰਤਾਂ ਅਤੇ ਗੈਰ-ਬਾਈਨਰੀ ਪਰਵਾਸੀਆਂ ਅਤੇ ਰੈਫਿਉਜੀ ਲੋਕਾਂ ਨੂੰ ਆਪਣੀ ਨਿੱਜੀ ਲੋੜ ਅਨੁਸਾਰ, ਆਪਣੀਆਂ ਵਿਅਕਤੀਗਤ ਰੁਜ਼ਗਾਰ ਅਤੇ ਸਿਖਲਾਈ ਯੋਜਨਾਵਾਂ ਵਿਕਸਿਤ ਕਰਨ ਵਿੱਚ ਮਦਦ ਮਿਲਦੀ ਹੈ।
"ਪਰਵਾਸੀ ਅਤੇ ਰੈਫਿਉਜੀ ਔਰਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰ ਜੋ ਹਿੰਸਾ ਤੋਂ ਬਚੇ ਹਨ, ਇੱਕ ਚੰਗੀ ਜ਼ਿੰਦਗੀ ਦੇ ਹੱਕਦਾਰ ਹਨ," ਸਮਾਜਕ ਵਿਕਾਸ ਅਤੇ ਗਰੀਬੀ ਨਿਵਾਰਣ ਦੀ ਮੰਤਰੀ, ਸ਼ੀਲਾ ਮੈਲਕਮਸਨ ਨੇ ਕਿਹਾ। "ਇਹ ਰੁਜ਼ਗਾਰ ਸੇਵਾ ਜੋ ਅਸੀਂ YWCA ਦੇ ਐਕਸਿਸ ਪ੍ਰੋਗਰਾਮ ਦੁਆਰਾ ਫੰਡ ਕਰ ਰਹੇ ਹਾਂ, ਇਸ ਨਾਲ ਉਹਨਾਂ ਨੂੰ ਹੁਨਰ ਅਤੇ ਨੌਕਰੀਆਂ ਪ੍ਰਾਪਤ ਕਰਨ ਵਿੱਚ ਮਦਦ ਮਿਲੇਗੀ ਜੋ ਉਹਨਾਂ ਨੂੰ ਆਪਣੇ ਜੀਵਨ ਨੂੰ ਮੁੜ ਤੋਂ ਕਾਇਮ ਕਰਨ ਵਿੱਚ ਮਦਦ ਕਰੇਗੀ।"
