12.06C Vancouver 12.06C VancouverJun 30, 2020 4:42 PM -
ਗ੍ਰੇਟਰ ਟੋਰੌਂਟੋ ਇਲਾਕੇ ਦੇ ਤਿੰਨ ਮੇਅਰਾਂ ਵੱਲੋਂ ਆਪਣੀਆਂ ਸਿਟੀ ਕਾਉਂਸਲਾਂ ਨੂੰ ਚਾਰ-ਦੀਵਾਰੀ ਅੰਦਰ (indoors) ਮਾਸਕ ਪਹਿਣਨਾ ਲਾਜ਼ਮੀ ਕਰਨ ਲਈ ਬਾਏ-ਲਾਅ ਪਾਸ ਕਰਨ ਲਈ ਕਿਹਾ ਜਾ ਰਿਹਾ ਹੈ।
ਟੋਰੌਂਟੋ ਦੇ ਮੇਅਰ ਜੌਹਨ ਟੋਰੀ, ਮਿਸੀਸਾਗਾ ਦੇ ਮੇਅਰ ਬੌਨੀ ਕ੍ਰੋਮਬੀ ਅਤੇ ਬਰੈਂਪਟਨ ਦੇ ਮੇਅਰ ਪੈਟ੍ਰਿਕ ਬ੍ਰਾਉਨ ਇਸ ਕਦਮ ਦਾ ਸਮਰਥਨ ਕਰਦੇ ਹਨ।
ਟੋਰੀ ਨੇ ਅੱਜ ਸਵੇਰ ਇੱਕ ਪੱਤਰਕਾਰ ਸੰਮੇਲਨ ਦੌਰਾਨ ਕਿਹਾ ਕਿ ਉਹ ਟੋਰੌਂਟੋ ਦੇ ਮੈਡੀਕਲ ਅਧਿਕਾਰੀ ਵੱਲੋਂ ਸੁਝਾਏ ਗਏ ਅਸਥਾਈ ਬਾਏਲਾਅ ਦੇ ਹੱਕ ਵਿੱਚ ਵੋਟ ਪਾਉਣਗੇ।
ਇਸ ਪ੍ਰਸਤਾਵਿਤ ਬਾਏਲਾਅ 'ਤੇ ਟੋਰੌਂਟੋ ਸਿਟੀ ਕਾਉਂਸਲ ਵੱਲੋਂ ਅੱਜ ਵੋਟਿੰਗ ਕੀਤੀ ਜਾਣੀ ਹੈ, ਅਤੇ ਪਾਸ ਹੋਣ ਦੀ ਸੂਰਤ ਵਿੱਚ ਇਹ ਇੱਕ ਹਫ਼ਤੇ ਬਾਅਦ ਲਾਗੂ ਹੋ ਜਾਵੇਗਾ।
