19.53C Vancouver 19.53C VancouverAug 20, 2022 12:56 AM - The Canadian Press
ਗ੍ਰੇਟਰ ਵੈਨਕੂਵਰ ਜ਼ੂ ਤੋਂ ਲਾਪਤਾ ਹੋਇਆ ਇੱਕ ਭੇੜੀਆ ਮਿਲ ਗਿਆ ਹੈ।
ਕਥਿਤ ਬ੍ਰੇਕ ਐਂਡ ਐਂਟਰ ਦੀ ਘਟਨਾ ਦੌਰਾਨ ਭੇੜੀਆਂ ਦਾ ਜੰਗਲਾ ਕੱਟੇ ਜਾਣ ਤੋਂ ਬਾਅਦ ਟੈਂਪੈਸਟ ਨਾਮ ਦਾ ਕਰੀਬ ਇੱਕ ਸਾਲ ਦੀ ਉਮਰ ਦਾ ਭੇੜੀਆ ਲਾਪਤਾ ਸੀ।
ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਹ ਭੇੜੀਆ ਮਿਲ ਗਿਆ ਹੈ ਅਤੇ ਉਸ ਨੂੰ ਜ਼ੂ ਨੂੰ ਸੌਂਪ ਦਿੱਤਾ ਗਿਆ ਹੈ।
ਇੱਕ ਬਿਆਨ ਜਾਰੀ ਕਰ ਦੱਸਿਆ ਗਿਆ ਕਿ ਇਹ ਮਾਦਾ ਭੇੜੀਆ ਫੈਸਿਲਟੀ 'ਚ ਆਪਣੇ ਪਰਿਵਾਰ ਕੋਲ ਪਹੁੰਚ ਗਈ ਹੈ।
ਯਾਦ ਰਹੇ ਜੰਗਲੇ ਵਿੱਚੋਂ ਨਿਕਲੇ ਭੇੜੀਆਂ ਵਿੱਚੋਂ ਇੱਕ ਦੇ ਅਵਸ਼ੇਸ਼ ਲੈਂਗਲੀ 'ਚ 264 ਸਟ੍ਰੀਟ ਕੋਲ ਮਿਲੇ ਸਨ।
ਮ੍ਰਿਤ ਮਿਲੇ ਭੇੜੀਏ ਦਾ ਨਾਮ ਚੀਆ ਦੱਸਿਆ ਗਿਆ ਸੀ।
ਮੰਨਿਆ ਜਾ ਰਿਹਾ ਹੈ ਕਿ ਉਸ ਨਾਲ ਗੱਡੀ ਟਕਰਾ ਗਈ ਸੀ।
ਗ੍ਰੇਟਰ ਵੈਨਕੂਵਰ ਜ਼ੂ ਨੂੰ ਘਟਨਾ ਤੋਂ ਬਾਅਦ ਮੰਗਲਵਾਰ ਤੋਂ ਬੰਦ ਰੱਖਿਆ ਗਿਆ ਹੈ।
ਯਾਦ ਰਹੇ ਇਸ ਮਾਮਲੇ ਸੰਬੰਧੀ ਵੀਰਵਾਰ ਨੂੰ ਜ਼ੂ ਦੀ ਡਿਪਟੀ ਜਨਰਲ ਮੈਨੇਜਰ ਮੈਨਿਤਾ ਪ੍ਰਸਾਦ ਨੇ ਅਪਡੇਟ ਸਾਂਝੀ ਕੀਤੀ ਸੀ।
ਗੱਲਬਾਤ ਦੌਰਾਨ ਉਹ ਕਾਫੀ ਭਾਵੁਕ ਹੋ ਗਈ ਸਨ ਅਤੇ ਉਨ੍ਹਾਂ ਕਿਹਾ ਕਿ ਚਿੜੀਆਘਰ ਦੇ ਜਾਨਵਰ ਉਨ੍ਹਾਂ ਲਈ ਪਰਿਵਾਰ ਜਿਹੇ ਹਨ ਅਤੇ ਸਾਰਾ ਸਟਾਫ਼ ਚੀਆ ਬਾਰੇ ਮਿਲੀ ਜਾਣਕਾਰੀ ਤੋਂ ਦੁਖੀ ਹੈ।
