17.57C Vancouver 17.57C VancouverApr 29, 2025 5:31 PM - Connect Newsroom
ਬੀ. ਸੀ. ਵਿਚ ਫੈਡਰਲ ਗ੍ਰੀਨ ਪਾਰਟੀ ਦੀ ਸਹਿ-ਨੇਤਾ ਐਲਿਜ਼ਾਬੈਥ ਮੇਅ ਪੰਜਵੀਂ ਵਾਰ ਹਾਊਸ ਆਫ਼ ਕਾਮਨਜ਼ ਵਿਚ ਵੈਨਕੂਵਰ ਆਈਲੈਂਡ ਦੀ ਸਾਨਿਚ-ਗਲਫ ਆਈਲੈਂਡ ਦੀ ਨੁਮਾਇੰਦਗੀ ਕਰਨਗੇ। ਉਨ੍ਹਾਂ ਕੰਜ਼ਰਵੇਟਿਵ ਦੇ ਕੈਥੀ ਔਨਸਟੇਡ, ਲਿਬਰਲ ਦੇ ਡੇਵਿਡ ਬੇਖਮ ਅਤੇ ਐੱਨਡੀਪੀ ਦੇ ਕੋਲਿਨ ਪਲਾਂਟ ਨੂੰ ਹਰਾਇਆ।
ਖਾਸ ਗੱਲ ਇਹ ਹੈ ਕਿ ਚੋਣ ਸਰਵਿਆਂ ਵਿਚ ਮੇਅ ਲਈ ਇਹ ਚੋਣ ਚੁਣੌਤੀ ਮੰਨੀ ਜਾ ਰਹੀ ਸੀ ਪਰ ਉਹ ਆਪਣੀ ਸੀਟ ਬਰਕਰਾਰ ਰੱਖਣ ਵਿਚ ਸਫਲ ਰਹੇ। 2011 ਤੋਂ ਹੀ ਇਸ ਸੀਟ ਦੀ ਨੁਮਾਇੰਦਗੀ ਉਨ੍ਹਾਂ ਕੋਲ ਹੈ। ਆਪਣੀ ਜਿੱਤ ਤੋਂ ਬਾਅਦ ਮੀਡੀਆ ਨਾਲ ਗੱਲ ਕਰਦੇ ਹੋਏ ਮੇਅ ਨੇ ਕਿਹਾ ਕਿ ਉਹ ਨਤੀਜਿਆਂ ਤੋਂ ਹੈਰਾਨ ਨਹੀਂ ਹੈ ਅਤੇ ਔਟਵਾ ਵਿਚ ਕੰਮ 'ਤੇ ਵਾਪਸ ਪਰਤਣ ਲਈ ਉਤਸ਼ਾਹਿਤ ਹਨ।
ਦੱਸਣਯੋਗ ਹੈ ਕਿ ਗ੍ਰੀਨ ਪਾਰਟੀ ਕੋਲ ਸੰਸਦ ਵਿਚ ਪਹਿਲਾਂ ਦੋ ਸੀਟਾਂ ਸਨ ਪਰ ਮੇਅ ਦੇ ਨਾਲ ਪਾਰਟੀ ਦੇ ਸਹਿ ਪ੍ਰਧਾਨ ਜੋਨਾਥਨ ਪੈਡਨੌਲਟ-ਮਾਂਟਰੀਅਲ ਦੀ ਆਪਣੀ ਆਊਟਰੇਮੋਂਟ ਰਾਈਡਿੰਗ ਹਾਰ ਗਏ, ਉਹ 10 ਫੀਸਦੀ ਤੋਂ ਵੀ ਘੱਟ ਵੋਟਾਂ ਨਾਲ ਪੰਜਵੇਂ ਸਥਾਨ 'ਤੇ ਰਹੇ।
