11.48C Vancouver 11.48C VancouverMay 13, 2021 5:27 PM -
ਗ੍ਰੇਹਾਉਂਡ ਕੈਨੇਡਾ ਵੱਲੋਂ ਦੇਸ਼ 'ਚ ਸਾਰੇ ਰੂਟਾਂ 'ਤੇ ਬੱਸ ਸੇਵਾ ਨੂੰ ਬੰਦ ਕੀਤਾ ਜਾ ਰਿਹਾ ਹੈ।
ਕਰੀਬ ਇੱਕ ਸਦੀ ਤਕ ਕੈਨੇਡਾ 'ਚ ਬੱਸ ਸੇਵਾਵਾਂ ਜਾਰੀ ਰੱਖਣ ਤੋਂ ਬਾਅਦ ਹੁਣ ਇੰਟਰਸਿਟੀ ਬੱਸ ਕੈਰੀਅਰ ਨੇ ਸੇਵਾ ਰੋਕਣ ਦਾ ਨਿਰਣਾ ਲਿਆ ਹੈ।
ਮੋਟਰ ਕੋਚ ਕੰਪਨੀ ਦਾ ਕਹਿਣਾ ਹੈ ਕਿ ਔਂਟੈਰੀਓ ਅਤੇ ਕਿਊਬੈਕ ਦੇ ਬਚੇ ਰੂਟਾਂ 'ਤੇ ਵੀ ਸੇਵਾ ਰੋਕੀ ਜਾ ਰਹੀ ਹੈ।
ਅੱਜ ਮੱਧ-ਰਾਤ ਤੋਂ ਸੇਵਾਵਾਂ ਬੰਦ ਕਰ ਦਿੱਤੀਆਂ ਜਾਣਗੀਆਂ।
ਇਸ ਕੰਪਨੀ ਦੀ ਅਮਰੀਕੀ ਐਫੀਲੀਏਟ, ਗ੍ਰੇਹਾਉਂਡ ਲਾਈਨਸ ਇੰਕ. ਵੱਲੋਂ ਕਰੌਸ ਬਾਰਡਰ ਰੂਟਾਂ 'ਤੇ ਸੇਵਾ ਜਾਰੀ ਰੱਖੀ ਜਾਵੇਗੀ।
ਇਸ 'ਚ ਟੋਰੌਂਟੋ, ਮੌਂਟਰੀਅਲ ਅਤੇ ਵੈਨਕੂਵਰ ਦੇ ਰੂਟ ਸ਼ਾਮਿਲ ਹਨ।
ਹਾਲਾਂਕਿ ਇਹ ਸੇਵਾ ਉਸ ਵੇਲੇ ਸ਼ੁਰੂ ਹੋਵੇਗੀ ਜਦ ਬਾਰਡਰ ਖੁੱਲ੍ਹ ਜਾਂਦੇ ਹਨ।
ਯਾਦ ਰਹੇ ਕਰੀਬ ਇੱਕ ਸਾਲ ਪਹਿਲਾਂ ਗ੍ਰੇਹਾਉਂਡ ਕੈਨੇਡਾ ਨੇ ਫੈਸਲਾ ਲਿਆ ਸੀ ਕਿ ਦੇਸ਼ ਦੇ ਵਿੱਚ ਸੇਵਾ ਨੂੰ ਟੈਂਪਰੇਰੀ ਪੱਧਰ 'ਤੇ ਸਸਪੈਂਡ ਕੀਤਾ ਜਾ ਰਿਹਾ ਹੈ ਅਤੇ ਇਸ ਦੀ ਵਜ੍ਹਾ ਯਾਤਰਾ ਪਬੰਦੀਆਂ ਵਿਚਾਲੇ ਯਾਤਰੀਆਂ ਦੀ ਗਿਣਤੀ ਘਟਣਾ ਦੱਸਿਆ ਗਿਆ ਸੀ।
ਗ੍ਰੇਹਾਉਂਡ ਕੈਨੇਡਾ ਦੇ ਸੀਨੀਅਰ ਵਾਈਸ-ਪ੍ਰੈਜ਼ੀਡੈਂਟ, ਸਟੂਅਰਟ ਕੈਂਡਰਿਕ ਨੇ ਕਿਹਾ ਹੈ ਕਿ ਰੈਵੀਨਿਊ 'ਚ ਵੱਡੇ ਨੁਕਸਾਨ ਝੱਲਣ ਕਾਰਨ ਕੰਪਨੀ ਇਹ ਫੈਸਲਾ ਲੈਣ 'ਤੇ ਮਜਬੂਰ ਹੋਈ ਹੈ।
