11.87C Vancouver 11.87C VancouverDec 9, 2021 8:19 PM - The Canadian Press
ਬੀ.ਸੀ. ਕੋਰੋਨਰਸ ਸਰਵਿਸ ਨੇ ਅਕਤੂਬਰ ਦੇ ਮਹੀਨੇ ਦੇ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਅੰਕੜੇ ਸਾਂਝੇ ਕੀਤੇ ਹਨ।
10ਵੇਂ ਮਹੀਨੇ ਦੌਰਾਨ 201 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਇਸ ਨਾਲ ਬੀ.ਸੀ. 'ਚ ਇੱਕੋ ਮਹੀਨੇ 'ਚ ਸਭ ਤੋਂ ਵੱਧ ਓਵਰਡੋਜ਼ ਮੌਤਾਂ ਹੋਣ ਦਾ ਰਿਕਾਰਡ ਸਥਾਪਿਤ ਹੋ ਗਿਆ ਹੈ।
ਇਹ ਸੂਬੇ 'ਚ ਲਗਾਤਾਰ 20ਵਾਂ ਮਹੀਨਾ ਹੈ, ਜਦ ਓਵਰਡੋਜ਼ ਸੰਬੰਧੀ 100 ਤੋਂ ਵਧੇਰੇ ਮੌਤਾਂ ਰਿਪੋਰਟ ਹੋਈਆਂ ਹਨ।
ਇਸ ਤੋਂ ਪਹਿਲਾਂ ਅਗਸਤ 'ਚ 181 ਅਤੇ ਸਿਤੰਬਰ 'ਚ 152 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ ਸੀ।
ਹੁਣ ਇਸ ਸਾਲ 10 ਮਹੀਨੇ ਦੇ ਸਮੇਂ ਦੌਰਾਨ ਓਵਰਡੋਜ਼ ਕਾਰਨ ਹੋਈਆਂ ਮੌਤਾਂ ਦੀ ਗਿਣਤੀ 1,782 ਤਕ ਪਹੁੰਚ ਗਈ ਹੈ।
ਇਸ ਸਾਲ ਪਹਿਲੇ 10 ਮਹੀਨੇ 'ਚ ਰਿਪੋਰਟ ਹੋਈਆਂ ਓਵਰਡੋਜ਼ ਸੰਬੰਧੀ ਮੌਤਾਂ ਦੀ ਗਿਣਤੀ ਬੀ.ਸੀ. 'ਚ ਕਿਸੇ ਵੀ ਸਾਲ ਦੀਆਂ ਮੌਤਾਂ ਦਾ ਸਭ ਤੋਂ ਵੱਡਾ ਅੰਕੜਾ ਬਣ ਗਿਆ ਹੈ।
ਇਸ ਸਾਲ ਪਹਿਲੇ 10 ਮਹੀਨੇ ਦੌਰਾਨ ਦਰਜ ਹੋਈਆਂ ਓਵਰਡੋਜ਼ ਸੰਬੰਧੀ ਮੌਤਾਂ ਦੀ ਪ੍ਰਤੀ ਦਿਨ ਦੀ ਔਸਤ ਕਰੀਬ 6.5 ਦੀ ਬਣਦੀ ਹੈ।
ਜਾਨ ਗਵਾਉਣ ਵਾਲਿਆਂ 'ਚ 79% ਮੌਤਾਂ ਪੁਰਸ਼ਾਂ ਨਾਲ ਸੰਬੰਧਤ ਸਨ।
ਜਾਨ ਗਵਾਉਣ ਵਾਲਿਆਂ 'ਚ 71% ਲੋਕ 30 ਤੋਂ 59 ਸਾਲ ਦੇ ਦਰਮਿਆਨ ਦੇ ਦੱਸੇ ਗਏ ਹਨ।
ਫੈਂਟਾਨਿਲ ਅਤੇ ਕਾਰਫੈਂਟਾਨਿਲ ਦੇ ਨਸ਼ਿਆਂ ਨੂੰ 80% ਤੋਂ ਵਧੇਰੇ ਮੌਤਾਂ ਲਈ ਜਿੰਮੇਵਾਰ ਦੱਸਿਆ ਗਿਆ ਹੈ।
ਸਭ ਤੋਂ ਵੱਧ ਮੌਤਾਂ ਵੈਨਕੂਵਰ, ਸਰੀ ਅਤੇ ਵਿਕਟੋਰੀਆ 'ਚ ਦਰਜ ਹੋਈਆਂ ਹਨ।
ਬੀ.ਸੀ. ਦੀ ਮਿਨਿਸਟਰ ਆਫ ਮੈਂਟਲ ਹੈਲਥ ਐਂਡ ਐਡਿਕਸ਼ਨਸ, ਸ਼ੀਲਾ ਮੈਲਕੌਮਸਨ ਨੇ ਕਿਹਾ ਹੈ ਕਿ ਸੂਬੇ 'ਚ ਕਰੀਬ ਸਾਰੇ ਲੋਕ ਕਿਸੇ ਨਾ ਕਿਸੇ ਅਜਿਹੇ ਵਿਅਕਤੀ ਨੂੰ ਜਾਣਦੇ ਹਨ ਜੋ ਕਿ ਇਸ ਡਰੱਗਸ ਦੇ ਸੰਕਟ ਨਾਲ ਪ੍ਰਭਾਵਿਤ ਹਨ।
ਚੀਫ਼ ਕੋਰੋਨਰ ਲੀਜ਼ਾ ਲਾਪੌਂਟ ਨੇ ਕਿਹਾ ਕਿ ਡਰੱਗਸ ਨੂੰ ਡੀ-ਕ੍ਰਿਮਿਨਲਾਈਜ਼ ਕਰਨਾ ਅਤੇ ਇਸ ਨਾਲ ਜੁੜੇ ਸਟਿਗਮਾ ਨੂੰ ਹਟਾਉਣਾ ਜਰੂਰੀ ਹੈ।
