13.03C Vancouver 13.03C VancouverMay 7, 2021 2:38 AM -
ਫਰੇਜ਼ਰ ਹੈਲਥ ਨੇ ਸਾਰੇ ਗਰੋਸਰੀ ਸਟੋਰਾਂ ਦੇ ਵਰਕਰਾਂ ਨੂੰ ਸੱਦਾ ਦਿੱਤਾ ਹੈ ਕਿ ਵੈਕਸੀਨ ਹਾਸਿਲ ਕੀਤੀ ਜਾਵੇ।
ਫਰੇਜ਼ਰ ਹੈਲਥ ਦਾ ਕਹਿਣਾ ਹੈ ਕਿ ਗਰੋਸਰੀ ਸਟੋਰਾਂ 'ਤੇ ਕੰਮ ਕਰਨ ਵਾਲੇ ਯੂਨੀਅਨਾਈਜ਼ਡ ਅਤੇ ਨੌਨ-ਯੂਨੀਅਨਾਈਜ਼ਡ 18 ਸਾਲ ਤੋਂ ਵੱਧ ਉਮਰ ਦੇ ਲੋਕ ਕੋਵਿਡ-19 ਸੰਬੰਧੀ ਵੈਕਸੀਨ ਹਾਸਿਲ ਕਰਨ ਦੇ ਲਈ ਐਲੀਜੀਬਲ ਹਨ।
ਫਰੇਜ਼ਰ ਹੈਲਥ ਦਾ ਕਹਿਣਾ ਹੈ ਕਿ ਐਂਪਲਾਇਰ ਅਤੇ ਯੂਨੀਅਨ ਨੁਮਾਇੰਦੇ, ਸਟਾਫ਼ ਨੂੰ ਜਾਣਕਾਰੀ ਪ੍ਰਦਾਨ ਕਰਨਗੇ ਕਿ ਅਪਾਇੰਟਮੈਂਟਸ ਲਈ ਔਨਲਾਈਨ ਕਿਵੇਂ ਰਿਜਿਸਟਰ ਕੀਤਾ ਜਾ ਸਕਦਾ ਹੈ।
ਹਾਲਾਂਕਿ ਸਟਾਫ਼ ਨੂੰ ਆਪਣੀ ਇੱਕ ਆਈ.ਡੀ. ਅਤੇ ਐਂਪਲਾਇਮੈਂਟ ਦਾ ਸਬੂਤ ਦੇਣਾ ਹੋਵੇਗਾ।
ਇਸ ਦੇ ਲਈ ਪੇ-ਸਟੱਬ ਵੀ ਵਿਖਾਇਆ ਜਾ ਸਕਦਾ ਹੈ।
ਇਹਨਾਂ ਵਰਕਰਾਂ ਨੂੰ ਫਾਈਜ਼ਰ-ਬਾਇਓਐਨਟੈਕ ਅਤੇ ਮੌਡਰਨਾ ਦੀਆਂ ਵੈਕਸੀਨ ਖੁਰਾਕਾਂ ਲਈ ਐਲੀਜੀਬਲ ਦੱਸਿਆ ਗਿਆ ਹੈ।
ਹੈਲਥ ਕੈਨੇਡਾ ਦਾ ਅਨੁਮਾਨ ਹੈ ਕਿ ਕੈਨੇਡਾ 'ਚ ਮਨਜ਼ੂਰ ਹੋ ਚੁੱਕੀਆਂ ਫਾਈਜ਼ਰ-ਬਾਇਓਐਨਟੈਕ, ਮੌਡਰਨਾ ਅਤੇ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੀਆਂ 36.5 ਮਿਲੀਅਨ ਖੁਰਾਕਾਂ 30 ਜੂਨ ਤਕ ਕੈਨੇਡਾ ਪਹੁੰਚ ਜਾਣਗੀਆਂ।
