17.42C Vancouver 17.42C VancouverSep 14, 2022 9:29 PM - Connect News
ਸਿਟੀ ਆਫ ਸਰੀ ਵੱਲੋਂ ਨਿਊਟਨ ਕਮਿਊਨਿਟੀ ਸੈਂਟਰ ਦੇ ਨਿਰਮਾਣ ਕਾਰਜ ਸ਼ੁਰੂ ਕਰ ਦਿੱਤੇ ਗਏ ਹਨ।
ਇਸ ਸੰਬੰਧੀ ਅੱਜ ਸਿਟੀ ਦੀ ਟੀਮ ਨੇ ਮੌਕੇ 'ਤੇ ਪਹੁੰਚ ਕੁਝ ਜਗ੍ਹਾ ਪੁੱਟਣ ਦੀ ਸ਼ੁਰੂਆਤ ਕੀਤੀ ਅਤੇ ਨਿਰਮਾਣ ਕਾਰਜਾਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ।
ਇਸ ਮੌਕੇ ਮੇਅਰ ਡੱਗ ਮੈਕੱਲਮ, ਕਾਊਂਸਲਰ ਮਨਦੀਪ ਨਾਗਰਾ, ਕਾਊਂਸਲਰ ਲੌਰੀ ਗੁਐਰਾ, ਕਾਊਂਸਲਰ ਐਲੀਸਨ ਪੈਟਨ ਅਤੇ ਕਾਊਂਸਲਰ ਡੱਗ ਐਲਫਰਡ ਮੌਜੂਦ ਸਨ।
ਮੇਅਰ ਨੇ ਕਿਹਾ ਕਿ ਉਹ ਬੇਹੱਦ ਉਤਸ਼ਾਹਤ ਹਨ ਕਿ ਨਿਊਟਨ ਕਮਿਊਨਿਟੀ ਸੈਂਟਰ ਲਈ ਬ੍ਰੇਕਿੰਗ ਗਰਾਊਂਡ ਪ੍ਰੀਕਿਰਿਆ ਤਹਿਤ ਸਭ ਇਕੱਤਰ ਹੋਏ ਹਨ।
ਉਨ੍ਹਾਂ ਕਿਹਾ ਕਿ ਸਰੀ ਦੇ ਨਿਵਾਸੀਆਂ ਲਈ ਨਿਊਟਨ ਕਮਿਊਨਿਟੀ ਸੈਂਟਰ ਇੱਕ ਹੱਬ ਹੋਵੇਗਾ।
ਉਨ੍ਹਾਂ ਕਿਹਾ ਕਿ 'ਸਰੀ ਇਨਵੈਸਟਸ' ਕੈਪਿਟਲ ਪ੍ਰੋਗਰਾਮ ਤਹਿਤ ਇਲਾਕੇ 'ਚ ਰਿਕਰੀਏਸ਼ਨ ਅਤੇ ਕੰਪਿਟੀਟਿਵ ਪਲੇ ਲਈ ਫੈਸਿਲਿਟੀਸ ਦੇ ਨਿਰਮਾਣ ਲਈ ਕੁੱਲ $428 ਮਿਲੀਅਨ ਦਾ ਨਿਵੇਸ਼ ਕੀਤਾ ਜਾ ਰਿਹਾ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਨਿਊਟਨ ਕਮਿਊਨਿਟੀ ਸੈਂਟਰ 'ਚ ਇੱਕ 10 ਲੇਨਸ ਵਾਲਾ 50 ਮੀਟਰ ਦਾ ਸਵਿਮਿੰਗ ਪੂਲ ਬਣਾਇਆ ਜਾ ਰਿਹਾ ਹੈ।
ਇਸ ਤੋਂ ਇਲਾਵਾ ਲੀਜਰ ਪੂਲ (leisure pool), ਹੌਟ ਟੱਬਸ, ਸੌਨਾ ਅਤੇ ਸਟੀਮ ਰੂਮ, ਫਿਟਨੈਸ ਸੈਂਟਰ, ਲਾਈਸੈਂਸੀ ਚਾਈਲਡ ਕੇਅਰ ਅਤੇ ਮਲਟੀਪਰਪਜ ਥਾਵਾਂ ਸ਼ਾਮਿਲ ਹੋਣਗੀਆਂ।
ਇਸੇ ਫੈਸਿਲਿਟੀ 'ਚ ਭਵਿੱਖ 'ਚ ਲਾਈਬ੍ਰੇਰੀ, ਮਲਟੀਪਰਪਜ ਜਿਮਨੇਜੀਅਮ ਅਤੇ ਕਲਚਰ ਅਮੈਨਿਟੀਸ ਵੀ ਸ਼ਾਮਿਲ ਕੀਤੀਆਂ ਜਾ ਸਕਦੀਆਂ ਹਨ।
