12.84C Vancouver 12.84C VancouverNov 17, 2021 8:15 PM - The Canadian Press
ਬੀ.ਸੀ. ਡੇਰੀ ਫਾਰਮਰਸ ਦੀ ਨੁਮਾਇੰਦਗੀ ਕਰਨ ਵਾਲੇ ਗਰੁੱਪ ਦੇ ਮੁਖੀ ਦਾ ਕਹਿਣਾ ਹੈ ਕਿ ਹੜ੍ਹਾਂ ਨਾਲ ਪ੍ਰਭਾਵਿਤ ਇਲਾਕਿਆਂ ਤੋਂ ਪਸ਼ੂਆਂ ਨੂੰ ਕੱਢਣਾ ਮੁਸ਼ਕਿਲ ਸਾਬਿਤ ਹੋ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਅਜਿਹਾ ਕਰਨ 'ਚ ਸਮਾਂ ਲਗ ਰਿਹਾ ਹੈ ਅਤੇ ਇਹ ਪ੍ਰੇਸ਼ਾਨੀ ਭਰੀ ਪ੍ਰੀਕਿਰਿਆ ਬਣਦੀ ਜਾ ਰਹੀ ਹੈ।
ਬੀ.ਸੀ. ਡੇਰੀ ਐਸੋਸੀਏਸ਼ਨ ਤੋਂ ਹੋਲਗਰ ਸ਼ਵੀਟੈਨਬਰਗ ਦਾ ਕਹਿਣਾ ਸੀ ਕਿ ਉਨ੍ਹਾਂ ਕੋਲ ਕਿਸਾਨਾਂ ਦਾ ਸਹੀ ਅੰਕੜਾ ਨਹੀਂ ਹੈ ਜਿੰਨਾ ਨੂੰ ਗਾਵਾਂ ਨੂੰ ਬਚਾਉਣਾ ਪਿਆ ਸੀ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਆਪਣੇ ਫਾਰਮ 'ਤੇ ਇੱਕ ਨੇੜੇ ਦੇ ਫਾਰਮ ਤੋਂ 25 ਤੋਂ 30 ਗਾਵਾਂ ਲਿਆਂਦੀਆਂ ਜਾ ਰਹੀਆਂ ਹਨ।
ਫਰੇਜ਼ਰ ਵੈਲੀ 'ਚ ਕਈ ਥਾਵਾਂ 'ਤੇ ਇਸ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਐਬਟਸਫੋਰਡ ਦੇ ਮੇਅਰ ਹੈਨਰੀ ਬਰਾਊਨ ਦਾ ਕਹਿਣਾ ਸੀ ਕਿ ਉਨ੍ਹਾਂ ਖੁਦ ਕਈ ਕਿਸਾਨਾਂ ਨੂੰ ਆਪਣੀਆਂ ਗਾਵਾਂ ਨੂੰ ਬਚਾਉਂਦੇ ਵੇਖਿਆ ਸੀ।
ਅਜਿਹਾ ਇਲਾਕੇ 'ਚ ਜਾਰੀ ਨਵੇਂ ਇਵੈਕੂਏਸ਼ਨ ਆਰਡਰਸ ਵਿਚਾਲੇ ਕੀਤਾ ਗਿਆ ਸੀ।
ਉਨ੍ਹਾਂ ਦੱਸਿਆ ਕਿ ਕੁਝ ਫਾਰਮਰਸ ਨੇ ਪਾਵਰ ਬੋਟਸ ਦੀ ਵਰਤੋਂ ਕਰ ਗਾਵਾਂ ਅਤੇ ਬੱਛੇਆਂ ਨੂੰ ਬਚਾਇਆ ਸੀ।
