11.46C Vancouver 11.46C VancouverFeb 2, 2026 4:53 PM - Connect Newsroom - Jasmine Singh with files from The Canadian Press
ਕੈਨੇਡਾ ਦੀ ਫੈਡਰਲ ਸਰਕਾਰ ਵਲੋਂ ਜੀਐਸਟੀ ਕ੍ਰੈਡਿਟ ਵਧਾਉਣ ਅਤੇ ਕੈਨੇਡੀਅਨਜ਼ ਨੂੰ ਇਸ ਦੀ ਇੱਕ ਵਾਧੂ ਪੇਮੈਂਟ ਦੇਣ ਦੀ ਯੋਜਨਾ ਦਾ ਸਰਕਾਰੀ ਖ਼ਜ਼ਾਨੇ 'ਤੇ ਪੰਜ ਸਾਲਾਂ ਵਿਚ $12.4 ਬਿਲੀਅਨ ਦਾ ਬੋਝ ਪਵੇਗਾ। ਇਹ ਅਨੁਮਾਨ ਔਫਿਸ ਔਫ ਦਿ ਪਾਰਲੀਮੈਂਟਰੀ ਬਜਟ ਔਫੀਸਰ ਨੇ ਜਾਰੀ ਕੀਤਾ ਹੈ।
ਪ੍ਰਧਾਨ ਮੰਤਰੀ ਨੇ ਪਿਛਲੇ ਹਫ਼ਤੇ ਘੱਟ ਆਮਦਨ ਵਾਲੇ ਪਰਿਵਾਰਾਂ ਨੂੰ ਕਰਿਆਨੇ ਦੀਆਂ ਉੱਚੀਆਂ ਕੀਮਤਾਂ ਨਾਲ ਨਜਿੱਠਣ ਵਿਚ ਮਦਦ ਕਰਨ ਲਈ ਨਵੇਂ ਕਿਫਾਇਤੀ ਉਪਾਵਾਂ ਦਾ ਐਲਾਨ ਕੀਤਾ ਸੀ, ਜਿਸ ਵਿਚ ਜੀਐਸਟੀ ਕ੍ਰੈਡਿਟ ਪੇਮੈਂਟਸ ਵਿਚ ਅਗਲੇ ਪੰਜ ਸਾਲਾਂ ਵਿਚ 25 ਫੀਸਦੀ ਦਾ ਵਾਧਾ ਅਤੇ ਇਸ ਜੂਨ ਵਿਚ ਪਰਿਵਾਰਾਂ ਨੂੰ ਇਸ ਪੇਮੈਂਟ ਦਾ 50 ਫੀਸਦੀ ਵਨ-ਟਾਈਮ ਟੌਪ-ਅੱਪ ਦੇਣਾ ਸ਼ਾਮਲ ਹੈ।
ਪੀ.ਬੀ.ਓ. ਦੀ ਰਿਪੋਰਟ ਮੁਤਾਬਕ,ਇਸ ਸਾਲ ਇੱਕ ਵਾਰ ਭੁਗਤਾਨ ਦਾ ਖ਼ਰਚ ਸਰਕਾਰ ਨੂੰ ਲਗਭਗ $3 ਬਿਲੀਅਨ ਵਿਚ ਪੈਣ ਦੀ ਉਮੀਦ ਹੈ। ਗੌਰਤਲਬ ਹੈ ਕਿ ਮੌਜੂਦਾ ਜੀਐਸਟੀ ਕ੍ਰੈਡਿਟ ਦਾ ਭੁਗਤਾਨ ਤਿਮਾਹੀ ਕੀਤਾ ਜਾਂਦਾ ਹੈ। ਨਵੇਂ ਪ੍ਰੋਗਰਾਮ ਦਾ ਫਾਇਦਾ 12 ਮਿਲੀਅਨ ਕੈਨੇਡੀਅਨਜ਼ ਨੂੰ ਹੋਵੇਗਾ।
ਉਥੇ ਹੀ, ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਇਸ ਕਦਮ ਨੂੰ ਸਮਰਥਨ ਦੇਣ ਦੀ ਗੱਲ ਆਖੀ ਹੈ ਪਰ ਇਸ ਗੱਲ ਦਾ ਇਤਰਾਜ਼ ਜਤਾਇਆ ਹੈ ਕਿ ਇਹ ਕੋਈ ਪਰਮਾਨੈਂਟ ਹੱਲ ਹੀਂ ਹੈ।
