ਕਾਰਨੀ ਸਰਕਾਰ ਨੇ ਫਰਸਟ ਟਾਈਮ ਹੋਮ ਬਾਇਰਸ ਲਈ ਐਲਾਨੀ ਜੀ.ਐਸ.ਟੀ. ਛੋਟ

ਕਾਰਨੀ ਸਰਕਾਰ ਨੇ ਜੀ.ਐਸ.ਟੀ. ਰਿਲੀਫ ਦੇ ਵਾਅਦੇ ਨੂੰ ਪੂਰਾ ਕਰ ਦਿੱਤਾ ਹੈ।

ਹੁਣ ਇੱਕ ਮਿਲੀਅਨ ਡਾਲਰ ਤੱਕ ਦੇ ਨਵੇਂ ਘਰ ਖਰੀਦਣ ਵਾਲੇ ਫਰਸਟ ਟਾਈਮ ਬਾਇਰਸ ਨੂੰ 50 ਹਜ਼ਾਰ ਡਾਲਰ ਦੀ ਬੱਚਤ ਹੋਵੇਗੀ।

ਇਸ ਤੋਂ ਇਲਾਵਾ ਪਹਿਲੀ ਵਾਰ ਘਰ ਖਰੀਦ ਰਹੇ ਲੋਕਾਂ ਲਈ ਨਵੇਂ ਘਰਾਂ 'ਤੇ ਇੱਕ ਮਿਲੀਅਨ ਤੋਂ ਡੇਢ ਮਿਲੀਅਨ ਡਾਲਰ ਤਕ ਦੀ ਕੀਮਤ 'ਤੇ ਲੱਗਣ ਵਾਲੇ ਜੀ.ਐਸ.ਟੀ. ਨੂੰ ਵੀ ਘਟਾਇਆ ਗਿਆ ਹੈ।

ਇਸ ਸੰਬੰਧੀ ਅੱਜ ਵਿੱਤ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਨੇ ਐਕਸਾਈਜ ਟੈਕਸ ਐਕਟ 'ਚ ਤਬਦੀਲੀ ਲਈ ਲੈਜਿਸਲੇਟਿਵ ਪ੍ਰਪੋਜਲਸ ਟੇਬਲ ਕੀਤੇ ਸਨ।

ਸਰਕਾਰੀ ਅੰਕੜੇ ਅਨੁਸਾਰ ਇਸ ਰਿਬੇਟ ਆਸਰੇ ਕਨੇਡੀਅਨਸ ਨੂੰ ਅਗਲੇ ਪੰਜ ਸਾਲਾਂ 'ਚ 3 ਪਾਇੰਟ 9 ਬਿਲੀਅਨ ਡਾਲਰ ਦੀ ਟੈਕਸ ਸੇਵਿੰਗ ਹੋਵੇਗੀ।

ਇਸ ਰਿਬੇਟ ਲਈ ਉਹ ਲੋਕ ਕੁਆਲੀਫਾਈ ਕਰਨਗੇ ਜੋ ਕਿਸੇ ਬਿਲਡਰ ਤੋਂ ਨਵਾਂ ਘਰ ਖਰੀਦ ਰਹੇ ਹੋਣ। ਉਹ ਲੋਕ ਵੀ ਇਸ ਦੇ ਲਈ ਕੁਆਲੀਫਾਈ ਕਰਨਗੇ ਜੋ ਖੁਦ ਜਾਂ ਕਿਸੇ ਹੋਰ ਨੂੰ ਹਾਇਰ ਕਰਦੇ ਹਨ ਤਾਂ ਜੋ ਆਪਣੇ ਲੀਜ ਜਾਂ ਓਨਰਸ਼ਿਪ ਵਾਲੇ ਥਾਂ 'ਤੇ ਘਰ ਦਾ ਨਿਰਮਾਣ ਕੀਤਾ ਜਾਵੇ। ਕਿਸੇ ਕੋਆਪ੍ਰੇਟਿਵ ਹਾਊਸਿੰਗ ਕੌਰਪੋਰੇਸ਼ਨ ਦੇ ਸ਼ੇਅਰਸ ਖਰੀਦਣ ਵਾਲੇ ਵੀ ਇਸ ਦੇ ਲਈ ਕੁਆਲੀਫਾਈ ਹੋਣਗੇ।

ਇਹ ਰਿਬੇਟ ਉਸ ਵੇਲੇ ਹਾਸਿਲ ਹੋ ਸਕਦੀ ਹੈ, ਜੇਕਰ ਘਰ ਦੀ ਖਰੀਦ ਜਾਂ ਸੇਲ ਦਾ ਕਰਾਰ 27 ਮਈ 2025 ਤੋਂ ਕੀਤਾ ਹੋਵੇ। ਹਾਲਾਂਕਿ ਇਸ ਦੀ ਮਿਆਦ ਸਾਲ 2031 ਤੋਂ ਪਹਿਲਾਂ ਤਕ ਹੀ ਰੱਖੀ ਗਈ ਹੈ। ਇਸ ਨੂੰ ਹਾਸਿਲ ਕਰਨ ਲਈ ਘਰ ਦੀ ਉਸਾਰੀ 2031 ਤੋਂ ਪਹਿਲਾਂ ਸ਼ੁਰੂ ਕਰਨੀ ਜਰੂਰੀ ਹੋਵੇਗੀ ਅਤੇ ਘਰ ਦੀ ਉਸਾਰੀ 2036 ਤੋਂ ਪਹਿਲਾਂ ਪੂਰੀ ਕਰਨੀ ਹੋਵੇਗੀ।

For complete information:
https://www.canada.ca/en/depar...