9.77C Vancouver 9.77C VancouverJul 29, 2025 3:48 PM - The Associated Press
ਅਮਰੀਕਾ ਵਿਚ ਸੋਮਵਾਰ ਸ਼ਾਮ ਨਿਊਯਾਰਕ ਸ਼ਹਿਰ ਦੇ ਮਿਡਟਾਊਨ ਮੈਨਹੈਟਨ ਵਿਚ ਇੱਕ ਹਾਈ ਪ੍ਰੋਫਾਇਲ ਬਿਲਡਿੰਗ ਵਿਚ ਬੰਦੂਕਧਾਰੀ ਹਮਲਾਵਰ ਨੇ ਗੋਲੀਆਂ ਚਲਾ ਦਿੱਤੀਆਂ, ਜਿਸ ਵਿਚ ਇੱਕ ਪੁਲਿਸ ਅਧਿਕਾਰੀ ਸਮੇਤ 4 ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਥਿਤ ਤੌਰ 'ਤੇ ਉਸ ਨੇ ਖੁਦ ਨੂੰ ਵੀ ਗੋਲੀ ਮਾਰ ਲਈ।
ਹਮਲਾਵਰ ਦੀ ਪਛਾਣ ਲਾਸ ਵੇਗਾਸ ਦੇ 27 ਸਾਲਾ ਸ਼ੇਨ ਤਾਮੁਰਾ ਵਜੋਂ ਕੀਤੀ ਗਈ। ਪੁਲਿਸ ਦਾ ਕਹਿਣਾ ਹੈ ਕਿ ਉਸ ਨੂੰ ਮੈਂਟਲ ਹੈਲਥ ਸਬੰਧੀ ਸਮੱਸਿਆਵਾਂ ਸਨ। ਜਿਸ ਬਿਲਡਿੰਗ ਵਿਚ ਹਮਲਾਵਰ ਵਲੋਂ ਗੋਲੀਆਂ ਚਲਾਈਆਂ ਗਈਆਂ ਉਸ ਵਿਚ ਨੈਸ਼ਨਲ ਫੁੱਟਬਾਲ ਲੀਗ ਦੇ ਨਾਲ-ਨਾਲ ਬਲੈਕਸਟੋਨ ਅਤੇ ਕੇ.ਪੀ.ਐਮ.ਜੀ. ਵਰਗੀਆਂ ਵਿੱਤੀ ਅਤੇ ਹੋਰ ਵੱਡੀਆਂ ਫਰਮਾਂ ਦੇ ਦਫ਼ਤਰ ਹਨ।
ਰਿਪੋਰਟਸ ਮੁਤਾਬਕ, ਕੈਲੀਫੋਰਨੀਆ ਦੇ ਹਾਈ ਸਕੂਲ ਵਿਚ ਪੜ੍ਹਦੇ ਸਮੇਂ ਤਾਮੁਰਾ ਇੱਕ ਫੁੱਟਬਾਲ ਖਿਡਾਰੀ ਸੀ। ਕਥਿਤ ਤੌਰ 'ਤੇ ਉਸ ਦਾ ਨਿਸ਼ਾਨਾ ਵੀ ਨੈਸ਼ਨਲ ਫੁੱਟਬਾਲ ਲੀਗ ਦਾ ਦਫ਼ਤਰ ਸੀ ਪਰ ਗਲਤੀ ਨਾਲ ਉਹ ਇੱਕ ਵੱਖਰੇ ਐਲੀਵੇਟਰ 'ਚ ਦਾਖਲ ਹੋ ਗਿਆ ਸੀ।
