15.22C Vancouver 15.22C VancouverAug 17, 2022 3:30 PM - ANI
ਗੁਰਦੀਪ ਸਿੰਘ ਰੰਧਾਵਾ ਨੂੰ ਜਰਮਨੀ ਵਿਚ ਭਾਰਤੀ ਭਾਈਚਾਰੇ ਦੇ ਪਹਿਲੇ ਪ੍ਰਤੀਨਿਧੀ ਦੇ ਰੂਪ ਵਿਚ ਚੁਣਿਆ ਗਿਆ ਹੈ। ਰੰਧਾਵਾ ਕ੍ਰਿਸ਼ਚੀਅਨ ਡੈਮੋਕਰੇਟਿਕ ਯੂਨੀਅਨ ਆਫ ਜਰਮਨੀ (ਸੀ. ਡੀ. ਯੂ.) ਥੁਰਿੰਗੀਆ ਦੇ ਪਹਿਲੇ ਭਾਰਤੀ ਪ੍ਰਤੀਨਿਧੀ ਹਨ।
ਸੀ. ਡੀ. ਯੂ. ਜਰਮਨੀ ਦੀ ਸਭ ਤੋਂ ਮਜਬੂਤ ਸਿਆਸੀ ਪਾਰਟੀ ਹੈ, ਜਿਸ ਦੀ ਨੁਮਾਇੰਦਗੀ ਮੌਜੂਦਾ ਸਮੇਂ ਫਰੈਡਰਿਕ ਮਰਜ਼ ਕਰ ਰਹੇ ਹਨ। ਦੂਜੇ ਵਿਸ਼ਵ ਯੁੱਧ ਤੋਂ ਬਾਅਦ ਇਹ ਪਾਰਟੀ ਸਭ ਤੋਂ ਜ਼ਿਆਦਾ ਸਮਾਂ ਸੱਤਾ ਵਿਚ ਰਹੀ ਹੈ।
ਗੁਰਦੀਪ ਰੰਧਾਵਾ ਦਾ ਕੰਮ ਭਾਰਤੀ ਭਾਈਚਾਰੇ ਦੀਆਂ ਚਿੰਤਾਵਾਂ ਨੂੰ ਸੁਣਨਾ ਅਤੇ ਉਨ੍ਹਾਂ ਨੂੰ ਰਾਜਨੀਤਕ ਰੂਪ ਵਿਚ ਸਰਗਮ ਹੋਣ ਲਈ ਉਤਸ਼ਾਹਤ ਕਰਨਾ ਹੈ। 62 ਸਾਲਾ ਉਦਯੋਗਪਤੀ ਵਾਚਸੇਨਬਰਗ ਡਿਸਟ੍ਰਿਕਟ ਵਿਚ ਸਥਾਨਕ ਸੀ. ਡੀ. ਯੂ. ਐਸੋਸੀਏਸ਼ਨ ਦੇ ਮੈਂਬਰ ਪ੍ਰਤੀਨਿਧੀ ਹਨ, ਜਿੱਥੇ ਉਹ ਲੋਕਲ ਕੌਂਸਲ ਦੇ ਮੈਂਬਰ ਵੀ ਹਨ।
ਉਹ ਅਜੇ ਵੀ ਆਪਣੇ ਮੂਲ ਦੇਸ਼ ਭਾਰਤ ਨਾਲ ਨਾ ਸਿਰਫ਼ ਵਪਾਰਕ ਤੌਰ 'ਤੇ ਜੁੜੇ ਹੋਏ ਹਨ ਸਗੋਂ ਉੱਥੇ ਮਾਨਵਤਾਵਾਦੀ ਕੰਮਾਂ ਖ਼ਾਸ ਕਰਕੇ ਸਿੱਖਾਂ ਤੇ ਪੰਜਾਬ ਦੇ ਲੋਕਾਂ ਦੇ ਹੱਕਾਂ ਲਈ ਕੰਮ ਕਰ ਰਹੇ ਹਨ।
