ਇਜ਼ਰਾਈਲੀ ਹਮਲੇ ਵਿੱਚ ਹਮਾਸ ਮੁਖੀ ਯਾਹਿਆ ਸਿਨਵਰ ਹਲਾਕ

ਇਜ਼ਰਾਇਲ ਨੇ ਉਸ ’ਤੇ 7 ਅਕਤੂਬਰ ਨੂੰ ਹੋਏ ਹਮਲੇ ਦੇ ਮਾਸਟਰਮਾਈਂਡ ਹਮਾਸ ਦੇ ਲੀਡਰ ਯਾਹਿਆ ਸਿਨਵਰ ਨੂੰ ਇੱਕ ਹਮਲੇ ਵਿਚ ਢੇਰ ਕਰ ਦਿੱਤਾ ਹੈ। 62 ਸਾਲਾ ਸਿਨਵਰ ਗਾਜ਼ਾ ਪੱਟੀ ਵਿਚ ਮਾਰਿਆ ਗਿਆ, ਇਜ਼ਰਾਇਲ ਨੇ ਇੱਕ ਬਿਲਡਿੰਗ ਵਿਚ ਹਮਾਸ ਦੇ ਅੱਤਵਾਦੀ ਲੁਕੇ ਹੋਣ ਦੀ ਸੂਚਨਾ ’ਤੇ ਇਸ ਨੂੰ ਟਾਰਗੇਟ ਕੀਤਾ ਸੀ। ਫੌਜ ਨੇ ਕਿਹਾ ਕਿ ਸਿਨਵਰ ਦੀ ਲਾਸ਼ ਬਿਲਡਿੰਗ ਦੇ ਮਲਬੇ ਵਿਚ ਮਿਲੀ।

ਇਜ਼ਰਾਈਲੀ ਅਧਿਕਾਰੀਆਂ ਨੇ ਉਸ ਦੀ ਪਛਾਣ ਦੀ ਪੁਸ਼ਟੀ ਕਰਨ ਲਈ ਡੀ.ਐੱਨ.ਏ. ਟੈਸਟ ਅਤੇ ਡੈਂਟਲ ਰਿਕਾਰਡ ਦੀ ਵਰਤੋਂ ਕੀਤੀ। ਸਿਨਵਰ ਦੀ ਲਾਸ਼ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਗਈਆਂ ਹਨ।

ਇਸ ਤੋਂ ਪਹਿਲਾਂ ਵੀ ਇਜ਼ਰਾਈਲ ਨੇ ਸਿਨਵਰ ਨੂੰ ਮਾਰਨ ਦੀਆਂ ਕਈ ਕੋਸ਼ਿਸ਼ਾਂ ਕੀਤੀਆਂ ਸਨ ਪਰ ਉਸ ਅਸਫਲਤਾ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਜ਼ਰਾਈਲ ’ਤੇ ਪਿਛਲੇ ਸਾਲ 7 ਅਕਤੂਬਰ ਨੂੰ ਹੋਏ ਅੱਤਵਾਦੀ ਹਮਲੇ ਵਿਚ ਤਿੰਨ ਅਹਿਮ ਕਿਰਦਾਰ ਸਨ, ਜਿਨ੍ਹਾਂ ਵਿਚੋਂ ਸਿਨਵਰ ਇੱਕ ਸੀ।