12.94C Vancouver 12.94C VancouverMay 29, 2025 7:07 PM - The Canadian Press
ਐਡਮਿੰਟਨ ਦੇ 15 ਸਾਲਾ ਲੜਕੇ ਨੂੰ ਅੱਤਵਾਦ ਨਾਲ ਜੁੜੇ ਅਪਰਾਧ ਦੇ ਦੋਸ਼ ਵਿਚ ਹਿਰਾਸਤ ਵਿਚ ਲਿਆ ਗਿਆ ਹੈ। ਕੈਨੇਡਾ ਦੀ ਨੈਸ਼ਨਲ ਸਕਿਓਰਟੀ ਪੁਲਿਸ ਵਲੋਂ ਉਸ ਨੂੰ 12 ਮਈ ਨੂੰ ਕਾਬੂ ਕੀਤਾ ਗਿਆ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਡਰ ਸੀ ਕਿ ਨੌਜਵਾਨ COM/764 ਹਿੰਸਕ ਆਨਲਾਈਨ ਨੈੱਟਵਰਕ ਨਾਲ ਸਬੰਧਤ ਅੱਤਵਾਦ ਨਾਲ ਜੁੜੇ ਅਪਰਾਧ ਕਰ ਸਕਦਾ ਹੈ।
ਪੁਲਿਸ ਮੁਤਾਬਕ ਇਹ ਆਨਲਾਈਨ ਗਰੁੱਪ ਬੱਚਿਆਂ ਨੂੰ ਟਾਰਗੇਟ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਕਈ ਤਰ੍ਹਾਂ ਦੇ ਲਾਲਚ ਦੇ ਕੇ ਜਿਨਸੀ ਸ਼ੋਸ਼ਣ ਆਪਣੇ-ਆਪ ਨੂੰ ਦਰਦ ਦੇਣ ਅਤੇ ਜਾਨਵਰਾਂ 'ਤੇ ਤਸ਼ੱਦਦ ਕਰਨ ਲਈ ਉਕਸਾਉਂਦਾ ਹੈ। ਇਸੇ ਤਰ੍ਹਾਂ ਇਹ ਗਰੁੱਪ ਬੱਚਿਆਂ ਨੂੰ ਹਿੰਸਕ ਅਪਰਾਧ ਕਰਨ ਲਈ ਤਿਆਰ ਕਰ ਦਿੰਦਾ ਹੈ। ਲੜਕੇ ਦੀ ਪਛਾਣ ਕੈਨੇਡੀਅਨ ਕਾਨੂੰਨ ਕਾਰਨ ਸਾਂਝੀ ਨਹੀਂ ਕੀਤੀ ਗਈ।
