17.72C Vancouver 17.72C VancouverMay 20, 2021 8:38 PM -
ਪੈਲਿਸਤੀਨੀ ਅੱਤਵਾਦੀ ਸੰਗਠਨ ਹਮਾਸ ਦੇ ਇੱਕ ਅਧਿਕਾਰੀ ਦਾ ਕਹਿਣਾ ਹੈ ਕਿ ਇਜ਼ਰਾਈਲ ਵੱਲੋਂ ਸੀਜ਼ਫਾਇਰ ਦਾ ਐਲਾਨ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦੀ ਹਾਰ ਦਰਸ਼ਾਉਂਦਾ ਹੈ।
ਅਧਿਕਾਰੀ ਦਾ ਕਹਿਣਾ ਸੀ ਕਿ ਇਸ ਸੀਜ਼ਫਾਇਰ ਨੂੰ ਪੈਲਿਸਤੀਨੀ ਲੋਕਾਂ ਦੀ ਜਿੱਤ ਸਮਝਿਆ ਜਾਵੇ।
ਹਮਾਸ ਦੇ 'ਅਰਬ ਅਤੇ ਇਸਲਾਮਿਕ ਰਿਲੇਸ਼ਨਸ ਬਿਊਰੋ' ਦੇ ਮੈਂਬਰ ਅਲੀ ਬਾਰਾਕੇਹ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੇ ਲੋਕ ਐਲਰਟ 'ਤੇ ਰਹਿਣਗੇ ਜਦ ਤਕ ਕਿ ਹਮਾਸ ਅਤੇ ਇਜ਼ਰਾਈਲ ਵਿਚਾਲੇ ਮੀਡੀਏਟਰ ਇਸ ਸੀਜ਼ਫਾਇਰ ਦੀ ਪੁਸ਼ਟੀ ਨਹੀਂ ਕਰ ਦਿੰਦੇ।
ਇਜ਼ਰਾਇਲੀ ਮੀਡੀਆ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਬੇਂਜਾਮੀਨ ਨੇਤਨਯਾਹੂ ਦੇ ਸਿਕਿਓਰਿਟੀ ਕੈਬਿਨੇਟ ਨੇ ਇੱਕ ਯੂਨੀਲੈਟਰਲ ਸੀਜ਼ਫਾਇਰ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਇਸ ਦੇ ਨਾਲ ਗਾਜ਼ਾ ਸਟ੍ਰਿਪ 'ਚ ਜਾਰੀ 11 ਦਿਨ ਦੇ ਆਪ੍ਰੇਸ਼ਨ 'ਚ ਰੋਕ ਲਗ ਸਕੇਗੀ।
ਇਹ ਫੈਸਲਾ ਅਮਰੀਕਾ ਵੱਲੋਂ ਇਹਨਾਂ ਹਮਲਿਆਂ ਨੂੰ ਰੋਕਣ ਦੇ ਦਬਾਅ ਵਿਚਾਲੇ ਲਏ ਜਾਣ ਦੀਆਂ ਖਬਰਾਂ ਹਨ।
ਹਾਲਾਂਕਿ ਇਹ ਸਪਸ਼ਟ ਨਹੀਂ ਹੈ ਕਿ ਇਹ ਟਰੂਸ ਕਦੋ ਤੋਂ ਲਾਗੂ ਹੋਵੇਗਾ।
ਪਬਲਿਕ ਬ੍ਰੌਡਕਸਟਰ ਕੈਨ ਅਨੁਸਾਰ ਇਹਨਾਂ ਹਮਲਿਆਂ ਨੂੰ ਤੁਰੰਤ ਰੋਕਣ ਦੀ ਗੱਲ ਆਖੀ ਗਈ ਹੈ।
ਯਾਦ ਰਹੇ ਇਹਨਾਂ ਹਮਲਿਆਂ ਦੌਰਾਨ ਗਾਜ਼ਾ 'ਚ 230 ਲੋਕਾਂ ਅਤੇ ਇਜ਼ਰਾਈਲ 'ਚ 12 ਲੋਕਾਂ ਦੀ ਮੌਤ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
