15.28C Vancouver 15.28C VancouverMar 5, 2021 4:33 PM -
ਹੈਲਥ ਕੈਨੇਡਾ ਨੇ ਅੱਜ ਕੋਵਿਡ-19 ਤੋਂ ਬਚਾਅ ਲਈ ਜੌਹਨਸਨ & ਜੌਹਨਸਨ ਵੱਲੋਂ ਤਿਆਰ ਕੀਤੀ ਗਈ ਵੈਕਸੀਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਫਾਈਜ਼ਰ ਬਾਇਓ-ਐਨਟੈਕ, ਮੌਡਰਨਾ ਅਤੇ ਐਸਟਰਾਜ਼ੇਨੇਕਾ ਤੋਂ ਬਾਅਦ ਕੈਨੇਡਾ ਵਿੱਚ ਵਰਤੋਂ ਲਈ ਪ੍ਰਵਾਨ ਹੋਣ ਵਾਲਾ ਇਹ ਚੌਥਾ ਟੀਕਾ ਹੈ।
ਹੈਲਥ ਕੈਨੇਡਾ ਦੀ ਸੀਨੀਅਰ ਮੈਡੀਕਲ ਸਲਾਹਕਾਰ ਡਾ. ਸੁਪ੍ਰੀਆ ਸ਼ਰਮਾ ਨੇ ਅੱਜ ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਫਿਲਹਾਲ ਇਹ ਇਕੱਲਾ ਐਸਾ ਟੀਕਾ ਹੈ ਜਿਸ ਦੀ ਇੱਕੋ ਖੁਰਾਕ ਵਾਇਰਸ ਤੋਂ ਬਚਾਅ ਲਈ ਕਾਫ਼ੀ ਹੈ।
ਜੌਹਨਸਨ & ਜੌਹਨਸਨ ਦੀ ਵੈਕਸੀਨ ਕਲੀਨਿਕਲ ਟਰਾਇਲ ਵਿੱਚ 66 ਫ਼ੀਸਦੀ ਅਸਰਦਾਰ ਸਾਬਿਤ ਹੋਈ ਹੈ ਅਤੇ ਇਸ ਨੂੰ ਬੇਹੱਦ ਠੰਡੇ ਤਾਪਮਾਨ ਵਿੱਚ ਰੱਖਣ ਦੀ ਲੋੜ ਵੀ ਨਹੀਂ ਹੈ।
ਜ਼ਿਕਰਯੋਗ ਹੈ ਕਿ ਕੈਨੇਡਾ ਵੱਲੋਂ ਜੌਹਨਸਨ & ਜੌਹਨਸਨ ਦੇ ਵੈਕਸੀਨ ਦੀਆਂ 10 ਮਿਲੀਅਨ ਖੁਰਾਕਾਂ ਖ਼ਰੀਦੀਆਂ ਜਾ ਚੁੱਕੀਆਂ ਹਨ ਜਿਨ੍ਹਾਂ ਦੀਆਂ ਸ਼ਿਪਮੈਂਟ ਉਮੀਦ ਹੈ ਕਿ ਅਗਲੇ ਮਹੀਨੇ ਤੋਂ ਪਹੁੰਚਣੀਆਂ ਸ਼ੁਰੂ ਹੋ ਜਾਣਗੀਆਂ।
ਅਮਰੀਕਾ ਵਿੱਚ ਤਿਆਰ ਕੀਤੇ ਜਾ ਰਹੇ ਟੀਕਿਆਂ ਦੀ ਬਾਹਰ ਨਿਰਯਾਤ ਨਾ ਕੀਤੇ ਜਾਣ ਕਾਰਨ ਕੈਨੇਡਾ ਅਤੇ ਮੈਕਸੀਕੋ ਨੂੰ ਵੈਕਸੀਨ ਯੂਰੋਪ ਅਤੇ ਏਸ਼ੀਆ ਤੋਂ ਲੈਣੀਆਂ ਪੈ ਰਹੀਆਂ ਹਨ।
