6.94C Vancouver 6.94C VancouverJul 11, 2025 6:04 PM - The Canadian Press
ਬੀ.ਸੀ. ਦੇ ਸਿਹਤ ਮੰਤਰਾਲਾ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਵੈਨਕੂਵਰ ਆਈਲੈਂਡ ਦੀ ਨੌਂ ਸਾਲ ਦੀ ਬੱਚੀ ਜਿਸ ਨੂੰ ਇੱਕ ਦੁਰਲੱਭ ਬਿਮਾਰੀ ਹੈ, ਉਸ ਲਈ ਡਰੱਗ ਕਵਰੇਜ ਬੰਦ ਰਹੇਗੀ। ਚਾਰਲੀ ਪੋਲੌਕ -ਬੈਟਨ ਨਾਲ ਪੀੜਤ ਹੈ ਤੇ ਇਹ ਸੂਬੇ ਦਾ ਅਜਿਹਾ ਇੱਕੋ-ਇੱਕ ਕੇਸ ਹੈ, ਇਸ ਬਿਮਾਰੀ ਕਾਰਨ ਰੋਜ਼ਾਨਾ ਕਈ ਦੌਰੇ ਆਉਂਦੇ ਹਨ ਅਤੇ ਦਿਮਾਗ ਨੂੰ ਨੁਕਸਾਨ ਪਹੁੰਚਦਾ ਹੈ।
ਨੌ ਸਾਲਾ ਬੱਚੀ ਨੂੰ ਬ੍ਰਾਇਨਿਊਰਾ ਨਾਮਕ ਦਵਾਈ ਦਿੱਤੀ ਜਾ ਰਹੀ ਸੀ, ਜਿਸ ਦਾ ਸਾਲਾਨਾ ਖ਼ਰਚ $1-ਮਿਲੀਅਨ ਹੈ। ਸਰਕਾਰ ਦਾ ਕਹਿਣਾ ਸੀ ਕਿ ਬ੍ਰਾਇਨਿਊਰਾ ਲੈਣ ਨਾਲ ਬੱਚੀ ਨੂੰ ਕੋਈ ਲਾਭ ਨਹੀਂ ਮਿਲ ਰਿਹਾ ਸੀ। ਮੰਤਰਾਲਾ ਨੇ ਕਿਹਾ ਕਿ ਸਿਹਤ ਮੰਤਰੀ ਜੋਸੀ ਓਸਬੋਰਨ ਵਲੋਂ ਪਿਛਲੇ ਹਫ਼ਤੇ ਚਾਰਲੀ ਦੇ ਮਾਤਾ-ਪਿਤਾ ਨਾਲ ਵੀ ਮੁਲਾਕਾਤ ਕੀਤੀ ਗਈ ਸੀ।
ਉਨ੍ਹਾਂ ਕਿਹਾ ਕਿ ਬੱਚੀ ਦੇ ਡੌਕਟਰਜ਼ ਨੇ ਇਲਾਜ ਬੰਦ ਕਰਨ ਦੇ ਫੈਸਲੇ ਦੀ ਅਪੀਲ ਕੀਤੀ ਸੀ। ਮੰਤਰਾਲਾ ਮੁਤਾਬਕ, ਬ੍ਰਿਟੇਨ ਨੇ ਵੀ ਬੈਟਨ ਬਿਮਾਰੀ ਦੇ ਮਰੀਜ਼ਾਂ ਲਈ ਬ੍ਰਾਇਨਿਊਰਾ ਲਈ ਕਵਰੇਜ ਬੰਦ ਕਰਨ ਦੇ ਆਪਣੇ ਇਰਾਦੇ ਦਾ ਐਲਾਨ ਕੀਤਾ ਹੈ ਕਿਉਂਕਿ ਇਸ ਦੀ ਲੰਬੇ ਸਮੇਂ ਦੀ ਪ੍ਰਭਾਵਸ਼ੀਲਤਾ ਦੇ ਸਬੂਤ ਨਹੀਂ ਹਨ।
