ਬੀ.ਸੀ. ਦੇ ਉੱਤਰੀ ਤੱਟ ਦੇ ਅੰਦਰੂਨੀ ਖੇਤਰਾਂ ਲਈ ਗਰਮੀ ਦੀ ਚਿਤਾਵਨੀ ਕੀਤੀ ਗਈ ਜਾਰੀ

ਵਾਤਾਵਰਣ ਕੈਨੇਡਾ ਨੇ ਬ੍ਰਿਟਿਸ਼ ਕੋਲੰਬੀਆ ਦੇ ਉੱਤਰੀ ਤੱਟ ਦੇ ਅੰਦਰੂਨੀ ਖੇਤਰਾਂ ਲਈ heat warning ਦੀ ਚਿਤਾਵਨੀ ਜਾਰੀ ਕੀਤੀ ਹੈ। ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਇਹ ਜਨਤਕ ਸਿਹਤ ਲਈ ਇੱਕ ਜੋਖਮ ਹੈ।ਵਾਤਾਵਰਣ ਕੈਨੇਡਾ ਅਨੁਸਾਰ ਤਾਪਮਾਨ 30 ਡਿਗਰੀ ਸੈਲਸੀਅਸ ਦੇ ਨੇੜੇ ਰਹਿਣ ਦੀ ਉਮੀਦ ਹੈ ਪਰ ਰਾਤ ਸਮੇਂ ਤਾਪਮਾਨ ਘੱਟ ਰਹੇਗਾ।

ਮੌਸਮ ਦਫ਼ਤਰ ਦਾ ਕਹਿਣਾ ਹੈ ਕਿ ਮੰਗਲਵਾਰ ਰਾਤ ਤੱਕ ਤਾਪਮਾਨ ਹਾਈ ਰਹਿਣ ਦੀ ਉਮੀਦ ਹੈ। ਵਾਤਾਵਰਣ ਕੈਨੇਡਾ ਮੁਤਾਬਕ ਇਹ ਹੀਟ ਬਜ਼ੁਰਗਾਂ, ਇਕੱਲੇ ਰਹਿਣ ਵਾਲੇ ਲੋਕਾਂ ,ਸ਼ੂਗਰ, ਦਿਲ ਦੀ ਬਿਮਾਰੀ ਅਤੇ ਸਾਹ ਦੀਆਂ ਬਿਮਾਰੀਆਂ ਵਾਲੇ ਲੋਕਾਂ ਦੀ ਸਿਹਤ ਲਈ ਖ਼ਤਰਨਾਕ ਹੈ। ਇਸ ਦੌਰਾਨ ਲੋਕਾਂ ਨੂੰ ਇਸ ਤੱਪਦੇ ਮੌਸਮ 'ਚ ਵਧੇਰੇ ਧਿਆਨ ਰੱਖਣ ਦੀ ਅਪੀਲ ਕੀਤੀ ਹੈ।