9.29C Vancouver 9.29C VancouverSep 16, 2021 8:29 AM -
ਅੱਜ ਵੀਰਵਾਰ ਨੂੰ ਕੌਮੀ ਰਾਜਧਾਨੀ ਵਿੱਚ ਸਵੇਰੇ ਕਈ ਥਾਂਵਾਂ 'ਤੇ ਮੌਹਲੇਧਾਰ ਮੀਂਹ ਪਿਆ, ਜੋ ਕਿ ਅਗਲੇ ਦੋ ਘੰਟਿਆਂ ਤੱਕ ਪੈਣ ਦੀ ਸੰਭਾਵਨਾ ਹੈ।
ਭਾਰਤੀ ਮੌਸਮ ਮਹਿਕਮੇ (ਆਈਐੱਮਡੀ) ਮੁਤਾਬਕ, ਦਿੱਲੀ ਅਤੇ ਇਸਦੇ ਨਾਲ ਦੇ ਇਲਾਕਿਆਂ ਵਿੱਚ ਅਗਲੇ ਦੋ ਘੰਟਿਆਂ ਵਿੱਚ ਦਰਮਿਆਨੇ ਤੋਂ ਮੌਹਲੇਧਾਰ ਮੀਂਹ ਪੈਣ ਦੇ ਆਸਾਰ ਹਨ।
"ਦਰਮਿਆਨੇ ਤੋਂ ਮੌਹਲੇਧਾਰ ਮੀਂਹ ਅਤੇ 20-40 ਕਿਮੀ/ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲਣ ਦੇ ਨਾਲ-ਨਾਲ ਅਗਲੇ ਦੋ ਘੰਟਿਆਂ ਵਿੱਚ ਉੱਤਰੀ ਇਲਾਕਿਆਂ ਦੇ ਕੁਝ ਹਿੱਸਿਆਂ, ਪੱਛਮ, ਉੱਤਰ-ਪੱਛਮ, ਦੱਖਣ-ਪੱਛਮੀ ਦਿੱਲੀ, ਐੱਨਸੀਆਰ (ਬਹਾਦਰਗੜ੍ਹ, ਗੁਰੂਗਰਾਮ, ਮਾਨੇਸਰ), ਸੋਨੀਪਤ, ਰੋਹਤਕ, ਮਹਿਮ, ਭਿਵਾਨੀ, ਚਰਖੀ ਦਾਦਰੀ, ਮੱਟਨਹੇਲ, ਝੱਜਰ, ਕੋਸਲੀ, ਫ਼ਾਰੁਖ਼ਨਗਰ, ਰੇਵਾੜੀ, ਨੂਹ (ਹਰਿਆਣਾ) ਵਿੱਚ ਤੂਫ਼ਾਨ ਆ ਸਕਦਾ ਹੈ ਅਤੇ ਮੱਧ, ਨਵੀਂ ਦਿੱਲੀ, ਦੱਖਣੀ, ਦੱਖਣ-ਪੂਰਬੀ, ਪੂਰਬੀ ਦਿੱਲੀ, ਕੰਧਲਾ, ਬਾਗਪਤ, ਮੁਰਾਦਾਬਾਦ, ਸੰਭਲ, ਗੜ੍ਹਮੁਕਤੇਸ਼ਵਰ (ਯੂਪੀ) ਵਿੱਚ ਹਲਕੇ ਤੋਂ ਦਰਮਿਆਨਾ ਮੀਂਹ ਪੈਣ ਦੇ ਆਸਾਰ ਹਨ,"ਆਈਐੱਮਡੀ ਨੇ ਸਵੇਰੇ 11:30 ਵਜੇ ਟਵੀਟ ਕੀਤਾ।
ਇਸ ਤੋਂ ਪਹਿਲਾਂ ਦਿਨ ਵਿੱਚ ਮੌਸਮ ਭਵਿੱਖਵਾਣੀ ਏਜੰਸੀ ਨੇ ਕੌਮੀ ਰਾਜਧਾਨੀ ਵਿੱਚ, ਤੇਜ਼ ਹਵਾਵਾਂ ਨਾਲ ਦਰਮਿਆਨੇ ਤੋਂ ਮੌਹਲੇਧਾਰ ਮੀਂਹ ਦਾ ਔਰੇਂਜ ਅਲਰਟ ਜਾਰੀ ਕਰ ਦਿੱਤਾ ਸੀ।
