19.58C Vancouver 19.58C VancouverMar 11, 2022 9:33 PM - Connect News
ਸਰੀ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਗਰੋਸਰੀ ਸਟੋਰ 'ਤੇ ਬ੍ਰੇਕ-ਇਨ ਦੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇੱਕ ਏ.ਟੀ.ਐਮ. ਤੋਂ ਵੱਡੀ ਗਿਣਤੀ 'ਚ ਕੈਸ਼ ਚੋਰੀ ਕੀਤਾ ਗਿਆ ਹੈ।
ਮਾਮਲਾ 2 ਫਰਵਰੀ ਦਾ ਦੱਸਿਆ ਗਿਆ ਹੈ।
ਅੱਜ ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਵੈਂਚਰ ਰੋਡ ਅਤੇ ਫਰੇਜ਼ਰ ਹਾਈਵੇਅ ਕੋਲ ਸਥਿਤ ਇੱਕ ਸਟੋਰ 'ਤੇ ਚੋਰੀ ਦੀ ਘਟਨਾ ਸਾਹਮਣੇ ਆਈ ਹੈ।
ਜਾਂਚ ਅਧਿਕਾਰੀਆਂ ਅਨੁਸਾਰ ਇੱਕ ਸ਼ੱਕੀ ਨੇ ਸਟੋਰ 'ਚ ਤੜਕੇ 1 ਵਜੇ ਤੋਂ 4.30 ਵਜੇ ਦੇ ਦਰਮਿਆਨ ਦਾਖਿਲਾ ਲਿਆ।
ਅਜਿਹਾ ਕਰਨ ਲਈ ਉਸ ਨੇ ਸਟੋਰ ਦੀ ਛੱਤ ਦੇ ਵਿੱਚ ਇੱਕ ਮੋਰਾ ਬਣਾਇਆ।
ਸ਼ੱਕੀ ਨੇ ਸਟੋਰ 'ਚ ਦਾਖਿਲ ਹੋਣ ਲਈ ਇੱਕ 40 ਫੁੱਟ ਦੀ ਪੌੜੀ ਦਾ ਇਸਤੇਮਾਲ ਕੀਤਾ।
ਸਟੋਰ 'ਚ ਲੱਗੇ ਏ.ਟੀ.ਐਮ. ਤੋਂ ਵੱਡੀ ਗਿਣਤੀ 'ਚ ਕੈਸ਼ ਚੋਰੀ ਕਰ ਸ਼ੱਕੀ ਮੌਕੇ ਤੋਂ ਚੰਪਤ ਹੋ ਗਿਆ।
ਕੌਰਪੋਰਲ ਵਨੈਸਾ ਮੰਨ ਨੇ ਕਿਹਾ ਕਿ ਸਟੋਰ ਦੇ ਅੰਦਰ ਦਾ ਸਰਵੇਲੈਂਸ ਵੀਡੀਓ ਵੀ ਜਾਰੀ ਕੀਤਾ ਜਾ ਰਿਹਾ ਹੈ, ਤਾਂ ਜੋ ਲੋਕ ਇਸ ਨੂੰ ਵੇਖ ਕੋਈ ਜਾਣਕਾਰੀ ਹੋਵੇ ਤਾਂ ਸਾਂਝੀ ਕਰ ਸਕਣ।
ਘਟਨਾ ਦਾ ਵੀਡੀਓ ਵੇਖਣ ਲਈ ਲਿੰਕ ਕਲਿਕ ਕਰੋ:
https://bc-cb.rcmp-grc.gc.ca/ViewPage.action?siteNodeId=2126&languageId=1&contentId=73799
