ਬਰਨਬੀ ਵਿਚ ਹਾਈਵੇਅ 1 ’ਤੇ ਵਾਪਰਿਆ ਭਿਆਨਕ ਹਾਦਸਾ, ਪੰਜ ਲੋਕਾਂ ਨੂੰ ਲਿਜਾਇਆ ਗਿਆ ਹਸਪਤਾਲ

ਬਰਨਬੀ ਵਿਚ ਅੱਜ ਸਵੇਰੇ ਹਾਈਵੇਅ 1 ’ਤੇ ਕਈ ਵਾਹਨਾਂ ਦੀ ਟੱਕਰ ਹੋਈ, ਜਿਸ ਵਿਚ ਪੰਜ ਲੋਕ ਜ਼ਖ਼ਮੀ ਹੋ ਗਏ। ਇਨ੍ਹਾਂ ਦਾ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ ਅਤੇ ਦੋ ਦੀ ਹਾਲਤ ਗੰਭੀਰ ਦੱਸੀ ਜਾਂਦੀ ਹੈ। ਬਰਨਬੀ ਆਰ.ਸੀ.ਐੱਮ.ਪੀ. ਮੁਤਾਬਕ, ਹਾਦਸੇ ਵਿਚ ਪੰਜ ਕਾਰਾਂ ਸ਼ਾਮਲ ਸਨ। ਕਾਰਪੋਰੇਸ਼ਨ ਮਾਈਕ ਕਲੰਜ ਨੇ ਦੱਸਿਆ ਕਿ ਦੋ ਲੋਕ ਗੰਭੀਰ ਜ਼ਖਮੀ ਸਨ, ਜਦੋਂ ਕਿ ਤਿੰਨ ਹੋਰਾਂ ਨੂੰ ਮਾਮੂਲੀ ਸੱਟਾਂ ਆਈਆਂ।

ਪੁਲਿਸ ਨੇ ਕਿਹਾ ਕਿ ਬਹੁ-ਵਾਹਨ ਦੁਰਘਟਨਾ ਦੀ ਇਹ ਘਟਨਾ ਕੇਨਸਿੰਗਟਨ ਐਵੇਨਿਊ ਆਫ-ਰੈਂਪ ਦੇ ਈਸਟ ਵਿਚ ਤੜਕੇ ਕਰੀਬ ਤਿੰਨ ਵਜੇ ਵਾਪਰੀ। ਘਟਨਾ ਵਾਲੀ ਥਾਂ ਤੋਂ ਸਾਹਮਣੇ ਆਈ ਵੀਡੀਓ ਵਿਚ ਇੱਕ ਕਾਰ ਅਤੇ ਇੱਕ ਟੈਕਸੀ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਦੇਖੀਆਂ ਗਈਆਂ ਅਤੇ ਸੜਕ ’ਤੇ ਮਲਬਾ ਖਿੱਲਰਿਆ ਹੋਇਆ ਦਿਖਾਈ ਦਿੱਤਾ।