13.18C Vancouver 13.18C VancouverNov 25, 2021 10:22 PM - Connect News
ਬੀ.ਸੀ. 'ਚ ਹਾਈਵੇਅ 1 ਨੂੰ ਅੱਜ ਦੁਪਹਿਰ 2 ਵਜੇ ਤੋਂ ਖੋਲ੍ਹ ਦਿੱਤਾ ਗਿਆ ਹੈ।
ਸੂਬੇ ਦੇ ਟਰਾਂਸਪੋਰਟੇਸ਼ਨ ਅਤੇ ਇਨਫਰਾਸਟਰਕਚਰ ਮੰਤਰੀ ਰੌਬ ਫਲੈਮਿੰਗ ਨੇ ਇਸ ਦੀ ਜਾਣਕਾਰੀ ਦਿੱਤੀ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਹਾਈਵੇਅ 1 'ਤੇ ਸੂਬੇ 'ਚ ਜਾਰੀ ਯਾਤਰਾ ਸੰਬੰਧੀ ਪਬੰਦੀਆਂ ਲਾਗੂ ਨਹੀਂ ਹੋਣਗੀਆਂ।
ਇਸ ਹਾਈਵੇਅ 'ਤੇ ਬੀਤੇ ਹਫ਼ਤੇ ਦੀ ਭਾਰੀ ਬਾਰਿਸ਼ ਦੌਰਾਨ ਆਵਾਜਾਈ ਠੱਪ ਹੋ ਗਈ ਸੀ।
ਹਾਲਾਂਕਿ ਫਲੈਮਿੰਗ ਨੇ ਦੱਸਿਆ ਕਿ ਹਾਈਵੇਅ 'ਤੇ ਕਈ ਜਗ੍ਹਾ ਟੈਂਪਰੇਰੀ ਮਰੱਮਤ ਪੂਰੀ ਹੋ ਗਈ ਹੈ।
ਇਸ ਹਾਈਵੇਅ 'ਤੇ ਐਬਟਸਫੋਰਡ ਤੋਂ ਚਿਲਿਵੈਕ ਵਿਚਾਲੇ ਆਵਾਜਾਈ ਅਰੰਭੀ ਗਈ ਹੈ।
ਹਾਲ ਦੀ ਘੜੀ 63,500kg ਤੋਂ ਵਧੇਰੇ ਦੇ ਭਾਰ ਲਿਜਾ ਰਹੇ ਕਮਰਸ਼ਲ ਵਾਹਨਾਂ ਨੂੰ ਇਸ ਰਸਤੇ ਦਾ ਇਸਤੇਮਾਲ ਕਰਨ ਤੋਂ ਰੋਕ ਲਗਾਈ ਗਈ ਹੈ।
ਹਾਲਾਂਕਿ ਹਾਈਵੇਅ 7 'ਤੇ ਜਾਰੀ ਯਾਤਰਾ ਸੰਬੰਧੀ ਪਬੰਦੀਆਂ ਨੂੰ ਜਾਰੀ ਰੱਖਿਆ ਜਾ ਰਿਹਾ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਕੋਕਿਹਾਲਾ ਹਾਈਵੇਅ 'ਤੇ ਹੜ੍ਹਾਂ ਅਤੇ ਮਡਸਲਾਈਡਸ ਦੌਰਾਨ ਭਾਰੀ ਨੁਕਸਾਨ ਪਹੁੰਚਿਆ ਹੈ ਅਤੇ ਇਸ ਹਾਈਵੇਅ 'ਤੇ ਆਵਾਜਾਈ ਸ਼ੁਰੂ ਹੋਣ 'ਚ ਸਮਾਂ ਲੱਗੇਗਾ।
ਉਨ੍ਹਾਂ ਦੱਸਿਆ ਕਿ ਇਸ ਹਾਈਵੇਅ ਦੀ ਮਰੱਮਤ ਲਈ 100 ਤੋਂ ਵਧੇਰੇ ਇਕਵਿਪਮੈਂਟ ਦੀ ਵਰਤੋਂ ਕੀਤੀ ਜਾ ਰਹੀ ਹੈ।
