13.36C Vancouver 13.36C VancouverDec 21, 2021 11:44 PM - The Canadian Press
ਹੋਪ ਅਤੇ ਪ੍ਰਿੰਸਟਨ ਵਿਚਾਲੇ ਹਾਈਵੇਅ 3 ਨੂੰ ਹੁਣ ਨਾਨ-ਅਸੈਂਸ਼ੀਅਲ ਯਾਤਰਾ ਯਾਨੀ ਕਿ ਗੈਰਜਰੂਰੀ ਯਾਤਰਾ ਲਈ ਵੀ ਖੋਲ੍ਹ ਦਿੱਤਾ ਗਿਆ ਹੈ।
ਮੈਨਿੰਗ ਪਾਰਕ ਦੇ ਕੋਲ ਦੀ ਲੰਘਦੀ ਸੜਕ ਨੂੰ ਕਮਰਸ਼ਲ ਅਤੇ ਜਰੂਰੀ ਯਾਤਰਾ ਲਈ ਹੀ ਖੁੱਲ੍ਹਾ ਰੱਖਿਆ ਗਿਆ ਸੀ।
ਇਲਾਕੇ 'ਚ ਹੜ੍ਹਾਂ ਅਤੇ ਮਡਸਲਾਈਡਸ ਤੋਂ ਬਾਅਦ ਤੋਂ ਇਸ ਰਸਤੇ 'ਤੇ ਆਵਾਜਾਈ ਸੰਬੰਧੀ ਕੁਝ ਪਬੰਦੀਆਂ ਜਾਰੀ ਸਨ।
ਕੱਲ ਹੀ ਕੋਕਿਹਾਲਾ ਹਾਈਵੇਅ ਨੂੰ ਖੋਲ੍ਹਣ ਦੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਗਿਆ ਸੀ ਕਿ ਮੰਗਲਵਾਰ ਤੋਂ ਹਾਈਵੇਅ 3 'ਤੇ ਪ੍ਰਿੰਸਟਨ ਅਤੇ ਹੋਪ ਵਿਚਾਲੇ ਜਾਰੀ ਪਬੰਦੀਆਂ ਨੂੰ ਹਟਾ ਦਿੱਤਾ ਜਾਵੇਗਾ।
ਹਾਈਵੇਅ 99 ਤੇ ਵੀ ਪੈਂਬਰਟਨ ਅਤੇ ਲੀਲੋਏਟ ਵਿਚਾਲੇ ਗੈਰਜਰੂਰੀ ਯਾਤਰਾ ਨੂੰ ਦੋਵਾਂ ਦਿਸ਼ਾਵਾਂ 'ਚ ਆਵਾਜਾਈ ਦੀ ਇਜਾਜਤ ਦੇ ਦਿੱਤੀ ਗਈ ਹੈ।
ਹਾਲਾਂਕਿ ਆਉਂਦੇ ਦਿਨਾਂ 'ਚ ਕੋਕਿਹਾਲਾ ਹਾਈਵੇਅ, ਸੀ ਟੁ ਸਕਾਈ, ਪੂਰਬੀ ਬੀ.ਸੀ. 'ਚ ਹਾਈਵੇਅ 1 ਦੇ ਕੁਝ ਹਿੱਸਿਆਂ ਅਤੇ ਵੈਨਕੂਵਰ ਆਈਲੈਂਡ 'ਤੇ ਮਾਲਾਹਟ ਹਾਈਵੇਅ 'ਤੇ ਭਾਰੀ ਬਰਫਬਾਰੀ ਦਾ ਅਨੁਮਾਨ ਦੱਸਿਆ ਗਿਆ ਹੈ।
