ਬੀਸੀ ਵਿਚ ਫੋਰਟ ਨੈਲਸਨ ਨੇੜੇ ਜੰਗਲੀ ਅੱਗ ਕਾਰਨ ਬੰਦ ਕੀਤੇ ਗਏ ਹਾਈਵੇਅ ਨੂੰ ਮੁੜ ਖੋਲ੍ਹਿਆ ਗਿਆ

ਬੀਸੀ ਵਿਚ ਫੋਰਟ ਨੈਲਸਨ ਨੇੜੇ ਜੰਗਲੀ ਕਾਰਨ ਸੋਮਵਾਰ ਬੰਦ ਕੀਤੇ ਗਏ ਅਲਾਸਕਾ ਹਾਈਵੇਅ ਦੀ ਸਿੰਗਲ ਲੇਨ ਟ੍ਰੈਫਿਕ ਲਈ ਖੋਲ੍ਹ ਦਿੱਤੀ ਗਈ ਹੈ। ਹਾਲਾਂਕਿ, ਡਰਾਇਵ ਬੀ.ਸੀ. ਨੇ ਕਿਹਾ ਕਿ ਅੱਗ ਦੀ ਗਤੀਵਧੀ ਦੇ ਆਧਾਰ 'ਤੇ ਸਥਿਤੀ ਤੇਜ਼ੀ ਨਾਲ ਬਦਲ ਸਕਦੀ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਕਿਹਾ ਕਿ ਇਹ ਅੱਗ ਲਗਭਗ 26 ਵਰਗ ਕਿਲੋਮੀਟਰ ਵਿਚ ਫੈਲੀ ਹੋਈ ਹੈ ਅਤੇ ਸਮਿਟ ਝੀਲ ਤੋਂ ਕਰੀਬ 10 ਕਿਲੋਮੀਟਰ ਉੱਤਰ-ਪੂਰਬ ਵਿਚ ਹੈ।

ਇਸ ਨੂੰ ਵਾਈਲਡਫਾਇਰ ਨੂੰ ਕੰਟਰੋਲ ਤੋਂ ਬਾਹਰ ਦੱਸਿਆ ਗਿਆ ਹੈ। ਇਹ "ਵਾਈਲਡ ਆਫ ਫਾਇਰ ਨੋਟ" 'ਤੇ ਰੱਖੀਆਂ ਗਈਆਂ ਦੋ ਅੱਗਾਂ ਵਿਚੋਂ ਇੱਕ ਹੈ। ਵਾਈਲਡ ਫਾਇਰ ਦਾ ਕਹਿਣਾ ਹੈ ਕਿ ਸਮਿਟ ਝੀਲ ਕੋਲ ਬਲ ਰਹੀ ਅੱਗ ਵਿਚ ਰਾਤੋ-ਰਾਤ ਮਹੱਤਵਪੂਰਨ ਵਾਧਾ ਹੋਇਆ ਅਤੇ ਇਹ ਹਮਲਾਵਰ ਰੁਖ਼ ਦਿਖਾ ਰਹੀ ਹੈ ਜੋ ਹਾਈਵੇ 97 ਯਾਨੀ ਅਲਾਸਕਾ ਹਾਈਵੇਅ ਵੱਲ ਵੱਧ ਰਹੀ ਹੈ। ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਮੌਜੂਦਾ ਸਮੇਂ ਹਾਈਵੇ ਦੀ ਸਿੰਗਲ ਲੇਨ ਖੁੱਲ੍ਹੀ ਹੈ ਪਰ ਇਸ ਖੇਤਰ ਵਿਚ ਵਿਜ਼ੀਬਿਲਟੀ ਘੱਟ ਹੈ।