15.92C Vancouver 15.92C VancouverNov 15, 2023 8:01 PM - The Canadian Press
ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਜਾਣਕਾਰੀ ਸਾਂਝੀ ਕੀਤੀ ਹੈ ਕਿ ਉਨ੍ਹਾਂ ਨੂੰ ਦਹਾਕਿਆਂ ਪੁਰਾਣਾ ਇੱਕ ਜਹਾਜ਼ ਦਾ ਮਲਬਾ ਕੈਮਲੂਪਸ ਦੇ ਦੱਖਣ ਵਿੱਚ ਮਿਲਿਆ ਹੈ।
ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਇੱਕ ਬਿਆਨ ਵਿੱਚ ਕਿਹਾ ਹੈ ਕਿ ਉਨ੍ਹਾਂ ਨੂੰ ਮਲਬੇ ਬਾਰੇ ਜਾਣੂ ਕਰਵਾਇਆ ਗਿਆ ਸੀ ਅਤੇ ਜਾਂਚਕਰਤਾ ਕੈਮਲੂਪਸ ਆਰਸੀਐੱਮਪੀ ਦੇ ਸੰਪਰਕ ਵਿੱਚ ਹਨ।
ਹਾਲਾਂਕਿ ਇਹ ਪਹਿਚਾਣ ਨਹੀਂ ਹੋ ਸਕੀ ਕਿ ਹਾਦਸੇ ਵਿੱਚ ਕਿਹੜਾ ਜਹਾਜ਼ ਸ਼ਾਮਲ ਸੀ।
ਸਿਵਲ ਏਵੀਏਸ਼ਨ ਡੇਲੀ ਆਕਰੈਂਸ ਰਿਪੋਰਟਿੰਗ ਸਿਸਟਮ 'ਤੇ ਇੱਕ ਨੋਟਿਸ ਵਿੱਚ ਕਿਹਾ ਗਿਆ ਹੈ ਕਿ ਇੱਕ ਸ਼ਿਕਾਰੀ ਨੇ ਡਿੱਗੇ ਹੋਏ ਜਹਾਜ਼ ਨੂੰ ਲੱਭਣ ਤੋਂ ਬਾਅਦ ਕੈਮਲੂਪਸ ਫਲਾਈਟ ਸੂਚਨਾ ਕੇਂਦਰ ਨੂੰ ਜਾਣਕਾਰੀ ਦਿੱਤੀ, ਜਿਸ ਤੋਂ ਤੁਰੰਤ ਬਾਅਦ ਆਰਸੀਐੱਮਪੀ ਅਧਿਕਾਰੀ ਪਹੁੰਚੇ ਜਿਨ੍ਹਾਂ ਵੱਲੋਂ ਪੁਸ਼ਟੀ ਕੀਤੀ ਕਿ ਮਲਬਾ ਘੱਟੋ-ਘੱਟ 20 ਤੋਂ 25 ਸਾਲ ਪੁਰਾਣਾ ਸੀ।
ਅਧਿਕਾਰੀਆਂ ਅਨੁਸਾਰ ਮਲਬੇ 'ਤੇ ਕੋਈ ਰਜਿਸਟ੍ਰੇਸ਼ਨ ਜਾਂ ਹੋਰ ਪਹਿਚਾਣ ਦੇ ਨਿਸ਼ਾਨ ਦਿਖਾਈ ਨਹੀਂ ਦੇ ਰਹੇ ਸਨ।
