18.86C Vancouver 18.86C VancouverMar 31, 2022 7:20 PM - The Canadian Press
ਪੋਪ ਨਾਲ ਮੁਲਾਕਾਤ ਲਈ ਪਹੁੰਚੇ ਫਰਸਟ ਨੇਸ਼ਨ ਡੈਲੀਗੇਸ਼ਨ ਨੇ ਅੱਜ ਪੋਪ ਫਰਾਂਸਿਸ ਨਾਲ ਮੁਲਾਕਾਤ ਕੀਤੀ ਹੈ।
ਅੱਜ ਕਰੀਬ 2 ਘੰਟੇ ਦੀ ਮਿਲਣੀ 'ਚ ਫਰਸਟ ਨੇਸ਼ਨ ਨਾਲ ਸੰਬੰਧਤ ਰੈਜ਼ੀਡੈਂਸ਼ੀਅਲ ਸਕੂਲ ਸਰਵਾਈਵਰਸ ਨੇ ਆਪਣੀਆਂ ਕਹਾਣੀਆਂ ਸਾਂਝੀਆਂ ਕੀਤੀਆਂ।
ਹਾਲਾਂਕਿ ਇਸ ਦੌਰਾਨ ਡੈਲੀਗੇਸ਼ਨ ਨੇ ਜੋਰ ਦਿੱਤਾ ਕਿ ਪੋਪ ਨੂੰ ਰੈਜ਼ੀਡੈਂਸ਼ੀਅਲ ਸਕੂਲਾਂ ਦੇ ਇਤਿਹਾਸ 'ਚ ਕੈਥੋਲਿਕ ਚਰਚ ਦੀ ਭੂਮਿਕਾ ਸੰਬੰਧਤ ਮੁਆਫੀ ਮੰਗਣੀ ਚਾਹੀਦੀ ਹੈ।
ਯਾਦ ਰਹੇ ਕੱਲ ਫਿਰ ਤੋਂ ਫਰਸਟ ਨੇਸ਼ਨ ਡੈਲੀਗੇਸ਼ਨ ਦੀ ਪੋਪ ਨਾਲ ਮੁਲਾਕਾਤ ਹੋਣ ਵਾਲੀ ਹੈ।
ਇਸ ਦੌਰਾਨ ਪੋਪ ਫਰਾਂਸਿਸ ਵੱਲੋਂ ਕੈਨੇਡਾ ਆਉਣ ਅਤੇ ਰਸਮੀ ਮੁਆਫੀ ਮੰਗਣ ਸੰਬੰਧੀ ਜਾਣਕਾਰੀ ਜਾਰੀ ਕੀਤੀ ਜਾ ਸਕਦੀ ਹੈ।
ਸਾਬਕਾ ਨੈਸ਼ਨਲ ਚੀਫ਼, ਫਿਲ ਫੌਂਟੇਨ ਨੇ ਕਿਹਾ ਕਿ ਗੱਲਬਾਤ ਸਹੀ ਦਿਸ਼ਾ 'ਚ ਜਾਂਦੀ ਵਿਖਾਈ ਦੇ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਕੈਨੇਡਾ ਦੇ ਵੱਖੋ-ਵੱਖਰੇ ਇਲਾਕਿਆਂ 'ਚ ਅਨਮਾਰਕਡ ਗ੍ਰੇਵਸ ਸੰਬੰਧੀ ਖੋਜ ਤੋਂ ਬਾਅਦ ਕੈਥੋਲਿਕ ਚਰਚ ਦੇ ਦਬਾਅ ਵਧਦਾ ਜਾ ਰਿਹਾ ਹੈ।
