19.85C Vancouver 19.85C VancouverMay 25, 2020 5:47 PM -
ਔਨਟੈਰੀਓ ਸਰਕਾਰ ਮੁਤਾਬਕ ਉਹ ਦੋ ਲੌਂਗ-ਟਰਮ ਕੇਅਰ ਹੋਮ ਜੋ ਕੋਵਿਡ-19 ਨੂੰ ਠੱਲ੍ਹ ਪਾਉਣ ਵਿੱਚ ਅਸਮਰੱਥ ਰਹੇ ਹਨ, ਦੀ ਦੇਖਭਾਲ ਦੀ ਜ਼ਿੰਮੇਵਾਰੀ ਹੁਣ ਹਸਪਤਾਲਾਂ ਨੂੰ ਸੌਂਪੀ ਗਈ ਹੈ।
ਸੂਬੇ ਮੁਤਾਬਕ ਹੰਬਰ ਰਿਵਰ ਹਸਪਤਾਲ ਡਾਊਨਜ਼ ਵਿਊ ਲੌਂਗ-ਟਰਮ ਕੇਅਰ ਸੈਂਟਰ ਦੀ ਦੇਖ ਰੇਖ ਕਰੇਗਾ ਜਿੱਥੇ ਵਾਇਰਸ ਕਾਰਨ 52 ਵਿਅਕਤੀ ਦਮ ਤੋੜ ਚੁੱਕੇ ਹਨ।
ਸਾਊਥਲੇਕ ਰੀਜਨਲ ਹੈਲਥ ਸੈਂਟਰ ਸੱਟਨ ਵਿਖੇ ਸਥਿੱਤ ਰਿਵਰ ਗਲੇਨ ਹੇਵਨ ਨਰਸਿੰਗ ਹੋਮ ਦੀ ਦੇਖਭਾਲ ਕਰੇਗਾ, 119 ਬੈੱਡ ਦੀ ਇਸ ਫੈਸਿਲਿਟੀ ਵਿੱਚ ਕੋਵਿਡ-19 ਦੇ 54 ਮਾਮਲੇ ਸਾਹਮਣੇ ਆਏ ਹਨ ਅਤੇ 20 ਵਿਅਕਤੀ ਦਮ ਤੋੜ ਗਏ ਹਨ।
ਇਹ ਤਬਦੀਲੀਆਂ 90 ਦਿਨਾਂ ਲਈ ਕੀਤੀਆਂ ਗਈਆਂ ਹਨ ਪਰ ਸਰਕਾਰ ਮੁਤਾਬਕ ਲੋੜ ਪੈਣ ਤੇ ਇਨ੍ਹਾਂ ਨੂੰ ਵਧਾਇਆ ਵੀ ਜਾ ਸਕਦਾ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਇਨ੍ਹਾਂ ਥਾਵਾਂ ਨੂੰ ਹਸਪਤਾਲਾਂ ਤੋਂ ਲਗਾਤਾਰ ਸਹਿਯੋਗ ਮਿਲਦਾ ਆਇਆ ਹੈ ਪਰ ਇਸ ਦੇ ਬਾਵਜੂਦ ਨੋਵਲ ਕਰੋਨਾਵਾਇਰਸ ਨੂੰ ਠੱਲ ਪਾਉਣ ਵਿੱਚ ਇਹ ਅਸਮਰੱਥ ਰਹੇ ਹਨ।
ਮਨਿਸਟਰੀ ਆਫ਼ ਲੌਂਗ-ਟਰਮ ਕੇਅਰ ਮੁਤਾਬਕ ਸੂਬੇ ਭਰ ਵਿੱਚ ਲੌਂਗ-ਟਰਮ ਕੇਅਰ ਹੋਮਾਂ ਵਿੱਚ ਰਹਿਣ ਵਾਲੇ 1,500 ਵਿਅਕਤੀ ਅਤੇ ਛੇ ਸਟਾਫ ਮੈਂਬਰ ਮਾਰੇ ਜਾ ਚੁੱਕੇ ਹਨ।
