13.68C Vancouver 13.68C VancouverMar 5, 2022 3:00 AM - The Canadian Press
ਯੂ.ਬੀ.ਸੀ. ਦੇ ਓਕਾਨਾਗਨ ਕੈਂਪਸ 'ਚ ਇੱਕ ਵਿਅਕਤੀ ਵੱਲੋਂ ਕੀਤੇ ਹਮਲੇ ਵਿੱਚ ਜਾਨ ਗਵਾਉਣ ਵਾਲੀ ਔਰਤ ਲਈ ਅੱਜ ਇੱਕ ਵਿਜਿਲ ਦਾ ਪ੍ਰਬੰਧ ਕੀਤਾ ਗਿਆ।
ਵਿਜਿਲ 'ਚ ਸੈਂਕੜੇ ਲੋਕਾਂ ਨੇ ਪਹੁੰਚ ਕੀਤੀ।
ਪੀੜਤ ਦੀ ਉਮਰ 24 ਸਾਲ ਸੀ ਅਤੇ ਉਸ ਦਾ ਨਾਮ ਹਰਮਨਦੀਪ ਕੌਰ ਸੀ।
ਉਹ ਸਿਕਿਉਰਿਟੀ ਗਾਰਡ ਵਜੋਂ ਪਾਰਟ-ਟਾਈਮ ਕੰਮ ਕਰਦੀ ਸੀ।
ਸ਼ਨੀਵਾਰ ਸਵੇਰੇ ਕਰੀਬ 6 ਵਜੇ ਉਸ 'ਤੇ ਹਮਲਾ ਕੀਤਾ ਗਿਆ ਸੀ।
ਹਰਮਨਦੀਪ ਕੌਰ ਨੂੰ ਕੈਲੋਨਾ ਜਨਰਲ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਸ ਨੇ ਦਮ ਤੋੜ ਦਿੱਤਾ ਸੀ। ਮਾਮਲੇ 'ਚ ਇੱਕ ਵਿਅਕਤੀ ਨੂੰ ਮੈਂਟਲ ਹੈਲਥ ਐਕਟ ਤਹਿਤ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਅੱਜ ਯੂਨੀਵਰਸਿਟੀ ਕੈਂਪਸ ਦੇ ਸਾਹਮਣੇ ਦੁਪਹਿਰ 2 ਤੋਂ 4 ਵਜੇ ਵਿਚਾਲੇ ਹਰਮਨਦੀਪ ਕੌਰ ਦੀ ਯਾਦ 'ਚ ਇੱਕ ਵਿਜਿਲ ਦਾ ਪ੍ਰਬੰਧ ਕੀਤਾ ਗਿਆ।
ਯਾਦ ਰਹੇ ਵੀਰਵਾਰ ਨੂੰ ਸੂਬੇ ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਵੀ ਹਰਮਨਦੀਪ ਕੌਰ ਦੀ ਮੌਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਸੀ ਅਤੇ ਕਿਹਾ ਸੀ ਕਿ ਸੂਬੇ 'ਚ ਪਬਲਿਕ ਸੇਫਟੀ ਸਰਕਾਰ ਲਈ ਤਰਜੀਹ ਦਾ ਮਾਮਲਾ ਹੈ।
