ਬੀ.ਸੀ. 'ਚ ਪੀਅਰ ਲੇਕ ਅਤੇ ਫਿਫਟੀਨਾਈਨ ਕ੍ਰੀਕ ਜੰਗਲੀ ਅੱਗਾਂ ਹੋਈਆਂ ਇਕੱਠੀਆਂ, ਕਲਿੰਟਨ ਨੇੜੇ ਨਿਕਾਸੀ ਦੇ ਹੁਕਮ ਜਾਰੀ

ਬੀ.ਸੀ. ਦੇ ਕਲਿੰਟਨ village ਅਤੇ ਆਸਪਾਸ ਦੇ ਇਲਾਕੇ ਵਿਚ ਬਲ ਰਹੀਆਂ ਦੋ ਜੰਗਲੀ ਅੱਗਾਂ ਪੀਅਰ ਲੇਕ ਅਤੇ ਫਿਫਟੀਨਾਈਨ ਕ੍ਰੀਕ ਆਪਸ ਵਿਚ ਮਰਜ ਹੋ ਗਈਆਂ ਹਨ, ਜਿਸ ਨਾਲ ਅੱਗ ਦਾ ਘੇਰਾ 670 ਵਰਗ ਕਿਲੋਮੀਟਰ ਤੱਕ ਹੋ ਗਿਆ ਹੈ। ਪੀਅਰ ਲੇਕ ਵਾਈਲਡ ਫਾਇਰ ਕਾਰਨ ਕਲਿੰਟਨ ਕਮਿਊਨਿਟੀ ਦੇ ਬਾਹਰੀ ਇਲਾਕਿਆਂ ਵਿਚ ਘਰਾਂ ਸਮੇਤ ਕੁਝ structures ਤਬਾਹ ਹੋਣ ਦੀਆਂ ਵੀ ਖ਼ਬਰਾਂ ਹਨ।

ਉਥੇ ਹੀ, Fire information officer Shae Stearns ਮੁਤਾਬਕ, ਫਾਈਰਫਾਈਟਰਜ਼ ਕਲਿੰਟਨ ਵਿਚ ਘਰਾਂ ਨੂੰ protect ਕਰਨ ਲਈ ਲਗਾਤਾਰ ਕੰਮ ਕਰ ਰਹੇ ਹਨ। Clinton ਨਿਵਾਸੀਆਂ ਨੂੰ ਸ਼ੁੱਕਰਵਾਰ ਹੀ ਘਰ ਛੱਡਣ ਦਾ ਹੁਕਮ ਦੇ ਦਿੱਤਾ ਗਿਆ ਸੀ। ਇਸ ਵਿਚਕਾਰ Thompson-Nicola Regional District ਵੱਲੋਂ 70 ਮਾਈਲ ਹਾਊਸ ਅਤੇ ਆਲੇ-ਦੁਆਲੇ ਦੇ ਖੇਤਰਾਂ ਲਈ ਨਿਕਾਸੀ ਦੇ ਹੁਕਮ ਜਾਰੀ ਕੀਤੇ ਗਏ ਹਨ।

ਬੀ.ਸੀ. ਵਾਈਲਡਫਾਇਰ ਸਰਵਿਸ ਮੁਤਾਬਕ, ਸੂਬੇ ਵਿਚ ਇਸ ਸਮੇਂ 140 ਦੇ ਕਰੀਬ ਜੰਗਲੀ ਅੱਗਾਂ ਸਰਗਰਮ ਹਨ, ਜਿਹਨਾਂ ਨੂੰ ਕਾਬੂ ਪਾਉਣ ਲਈ 1,000 ਦੇ ਲਗਭਗ ਫਾਇਰਫਾਈਟਰਜ਼, 130 ਭਾਰੀ ਮਸ਼ਿਨਿਰੀ ਅਤੇ 162 ਹੈਲੀਕੌਪਟਰਸ ਜਾਂ ਏਅਰ ਟੈਂਕਰ ਲੱਗੇ ਹੋਏ ਹਨ। ਇਸ ਸਮੇਂ ਸਰਗਰਮ ਕੁੱਲ ਅੱਗਾਂ ਵਿਚੋਂ 113 ਆਸਮਾਨੀ ਬਿਜਲੀ ਡਿੱਗਣ ਕਾਰਨ ਲੱਗੀਆਂ ਹਨ।